Tirumala Rush : తిరుమ‌ల‌లో భ‌క్తుల ర‌ద్దీ
శ్రీ‌వారి హుండీ ఆదాయం రూ. 3.19 కోట్లు
Tirumala Rush : తిరుమ‌ల‌లో భ‌క్తుల ర‌ద్దీ కొన‌సాగుతోంది. ఎలాంటి కోర్కెలు కోరినా వెంట‌నే తీరుస్తాయ‌న్న న‌మ్మ‌కం భ‌క్తుల విశ్వాసం. దీంతో రోజు రోజుకు భ‌క్తుల సంఖ్య పెరుగుతోందే త‌ప్పా త‌గ్గ‌డం లేదు. సుదూర ప్రాంతాల నుండి వ‌చ్చే భ‌క్త బాంధ‌వుల‌కు ఎలాంటి ఇబ్బందులు లేకుండా టీటీడీ చ‌ర్య‌లు చేప‌ట్టింది.
Tirumala Rush with Devotees
ఈవో ఏవీ ధ‌ర్మారెడ్డి ప‌ర్య‌వేక్ష‌ణ‌లో ఏర్పాట్లు కొన‌సాగుతున్నాయి. స్వామి వారి సేవ‌కులు 24 గంట‌ల పాటు భ‌క్తుల‌కు సేవ‌లు అందిస్తున్నారు. వీరి సేవ‌ల ప‌ట్ల టీటీడీ(TTD) చైర్మ‌న్ భూమ‌న క‌రుణాక‌ర్ రెడ్డి సంతోషం వ్య‌క్తం చేశారు.
ఇదిలా ఉండ‌గా శ్రీ వేంక‌టేశ్వ‌ర స్వామి, శ్రీ అలివేలు మంగ‌మ్మ‌ల‌ను 61 వేల 640 మంది భ‌క్తులు ద‌ర్శించుకున్నారు. 19 వేల 64 మంది త‌ల‌నీలాలు స‌మ‌ర్పించారు. భ‌క్తులు నిత్యం స‌మ‌ర్పించే కానుక‌లు, విరాళాల రూపేణా శ్రీ‌వారి హుండీ ఆదాయం రూ. 3.19 కోట్లు వ‌చ్చిన‌ట్లు టీటీడీ ఈవో ధ‌ర్మారెడ్డి వెల్ల‌డించారు.
శ్రీ‌వారి ద‌ర్శ‌నం కోసం తిరుమ‌ల‌లో డైరెక్టు లైన్ కొన‌సాగుతోంది. ఇక ఎలాంటి టోకెన్లు లేకుడా స‌ర్వ ద‌ర్శ‌నం కోసం వేచి ఉన్న వారికి క‌నీసం 8 గంట‌ల‌కు పైగా స‌మ‌యం ప‌డుతుంద‌ని టీటీడీ తెలిపింది.
Also Read : Congress Ticket : కాంగ్రెస్ లో ప‌టాన్ చెరు లొల్లి