Varun Chakravarthy : తిప్పేసిన వ‌రుణ్ చ‌క్ర‌వ‌ర్తి

Varun Chakravarthy : కోల్ క‌తా వేదిక‌గా ఈడెన్ గార్డెన్స్ మైదానంలో జ‌రిగిన ఐపీఎల్ లీగ్ మ్యాచ్ లో కోల్ క‌తా నైట్ రైడ‌ర్స్ దుమ్ము రేపింది. రాయ‌ల్ ఛాలెంజ‌ర్స్ బెంగ‌ళూరుతో జ‌రిగిన కీల‌క పోరులో స్పిన్న‌ర్లు చెల‌రేగారు. ప్ర‌ధానంగా కేకేఆర్ బౌల‌ర్ వ‌రుణ్ చ‌క్ర‌వ‌ర్తి చుక్క‌లు చూపించాడు. కేవ‌లం 3.4 ఓవ‌ర్ల‌లో 15 ప‌రుగులు మాత్ర‌మే ఇచ్చిన వ‌రుణ్ చ‌క్ర‌వ‌ర్తి(Varun Chakravarthy) కీల‌క‌మైన 4 వికెట్లు తీశాడు. చక్ర‌వ‌ర్తి బంతుల‌ను ఆడేందుకు బెంగ‌ళూరు బ్యాట‌ర్లు నానా తంటాలు ప‌డ్డారు.

స్వంత మైదానంలో ముందుగా బ్యాటింగ్ కు దిగిన కోల్ క‌తా 7 వికెట్లు కోల్పోయి 204 ప‌రుగులు చేసింది. అనంత‌రం బ‌రిలోకి దిగిన బెంగ‌ళూరు 123 ప‌రుగుల‌కే చాప చుట్టేసింది. దీంతో 81 ర‌న్స్ తేడాతో ఓట‌మి పాలైంది. తొలి మ్యాచ్ లో ఆర్సీబీ ముంబై ఇండియ‌న్స్ ను 8 వికెట్ల తేడాతో ఓడించింది.

దీంతో ఐపీఎల్ లీగ్ లో ఇప్ప‌టి దాకా గుజ‌రాత్ టైటాన్స్ , పంజాబ్ కింగ్స్ రెండు మ్యాచ్ ల‌లో విజ‌యం సాధిస్తే రాజ‌స్థాన్ రాయ‌ల్స్ , ఆర్సీబీ, కేకేఆర్ ఒక‌టి గెలిచి మ‌రొక‌టి ఓడి పోయాయి.

ఇక మ్యాచ్ విష‌యానికి వ‌స్తే ఓ వైపు వికెట్లు ప‌డినా ఎక్క‌డా త‌గ్గ‌లేదు కోల్ క‌తా. శార్దూల్ ఠాకూర్ ఆర్సీబీ బౌల‌ర్ల‌ను ఉతికి ఆరేశాడు. కేవ‌లం 29 బంతులు ఎదుర్కొని 68 ప‌రుగులు చేశాడు. మొత్తంగా ఆర్సీబీ ప‌త‌నాన్ని వ‌రుణ్ చ‌క్ర‌వ‌ర్తి(Varun Chakravarthy) శాసించాడు.

Also Read : కోల్‌కతా భ‌ళా బెంగ‌ళూరు విల‌విల