Venkaiah Naidu : బూతులు మాట్లాడే నాయకులకు అక్కడే బుద్ధి చెప్పాలి

Venkaiah Naidu : మాజీ ఉపరాష్ట్రపతి వెంకయ్య నాయుడు మాట్లాడుతూ పొంతన లేని ప్రకటనలు చేసే రాజకీయ నేతలకు పోలింగ్ బూత్‌ల వద్ద బుద్ది చెప్పాలన్నారు. సోమవారం మీడియాతో మాట్లాడుతూ… ఎస్ ఎఫ్ ఎస్ పాఠశాల స్వర్ణోత్సవ వేడుకల ముగింపు కార్యక్రమానికి వెంకయ్య ముఖ్య అతిథిగా హాజరయ్యారు. అసెంబ్లీ, పార్లమెంటులలో చేయకూడని పనులు చేస్తున్నారని… వాటిని పట్టించుకోకుండా ఉండాలన్నారు. రాజకీయ నాయకులు స్థాయి మరచి చౌకబారు మాటలు మాట్లాడకూడదని. రాజకీయ నాయకులు ఈ రోజుల్లో చెత్త మాట్లాడుతున్నారు…వారికీ ఓటింగ్ బూత్ వద్ద సమాధానం చెప్పాలి. విద్య ఎంత ముఖ్యమో సంస్కృతి కూడా అంతే ముఖ్యం. మాతృభాషను ఎవరూ మరచిపోకూడదని అన్నారు.

Venkaiah Naidu Comments Viral

మాతృభాష కళ్లలాంటిదని, పరాయి భాష కళ్లద్దాలులాంటిదని అన్నారు. విలువలతో కూడిన విద్యను అందుకుంటే విలువలతో కూడిన పౌరులు అవుతారు. నేడు విలువలతో కూడిన విద్య క్షీణించిందన్నారు. ఇది మంచిది కాదు. ప్రతి ఒక్కరూ విలువలతో కూడిన విద్యను అందించేందుకు కృషి చేయాలని సూచించారు. మేధో శక్తి కోసం ప్రపంచం మొత్తం భారత్ వైపు చూస్తోందని అన్నారు. నీకు ఏమి కావాలని దేవుడు అడిగితె, నేను విద్యార్థి స్థాయికి తిరిగి రావాలని కోరుకుంటున్నానని చెప్పారు. జాతీయ వారసత్వాన్ని కాపాడుకోవాలని సూచించారు. గూగుల్ గురువుని మించింది కాదని వెంకయ్య నాయుడు అన్నారు.

Also Read : Nara Lokesh : విశాఖ ఉత్తర నియోజకవర్గంలో నారా లోకేష్ శంఖారావం