WPL 2023 DC vs RCB : ఆర్సీబీ ఢిల్లీ క్యాపిట‌ల్స్ ట‌ఫ్ ఫైట్
డ‌బ్ల్యూపీఎల్ లో రెండో మ్యాచ్
WPL 2023 DC vs RCB : ఉమెన్స్ ప్రీయిర్ లీగ్ 2023 అంగ‌రంగ వైభ‌వంగా ప్రారంభ‌మైంది. తొలి మ్యాచ్ లో హ‌ర్మ‌న్ ప్రీత్ కౌర్ సేన 143 ప‌రుగుల తేడాతో గుజ‌రాత్ జెయింట్స్ పై ఘ‌న విజ‌యాన్ని న‌మోదు చేసి విస్తు పోయేలా చేసింది. మ‌రో వైపు రాయ‌ల్ ఛాలెంజ‌ర్స్ బెంగ‌ళూరు మ‌హిళా జ‌ట్టు తో ఢిల్లీ క్యాపిట‌ల్స్ ఉమెన్స్ టీమ్(WPL 2023 DC vs RCB) ఢీకొన‌నుంది.
ఆదివారం ముంబై వేదిక‌గా జ‌రిగే ఈ రెండో లీగ్ మ్యాచ్ అత్యంత కీల‌కం ఇరు జ‌ట్లకు. ఆర్సీబీకి మెంటార్ గా సానియా మీర్జా ఉండ‌గా కెప్టెన్ గా ముంబై స్టార్ స్మృతి మంధాన నాయ‌క‌త్వం వ‌హిస్తోంది.
ఉమెన్స్ లీగ్ కు సంబంధించి జ‌రిగిన వేలం పాట‌లో అత్య‌ధిక ధ‌ర‌కు అమ్ముడు పోయింది మంధాన. ఆర్సీబీ ఏకంగా రూ. 3.40 కోట్ల‌కు కొన్న‌ది. ఈ రిచ్ లీగ్ లో ఎక్కువ‌గా ఒత్తిడి ఉండేది మాత్రం ఆర్సీబీ స్కిప్ప‌ర్ కే. ఆమె నాయ‌క‌త్వానికి , త‌న ఆట‌కు ఇది ఓ అగ్ని ప‌రీక్ష అని చెప్ప‌క త‌ప్ప‌దు. ఆమెతోపాటు ఎల్లీస్ పెర్రీ, హీథ‌ర్ నైట్ , డివైన్ , రిచా ఘోష్ లాంటి క్రీడాకారుల‌తో బ‌లంగా ఉంది.
మ‌రో వైపు వ‌ర‌ల్డ్ స్టార్ క్రికెట‌ర్ లెజండ‌రీ ఆసిస్ క్రికెట‌ర్ మెగ్ లానింగ్ ఢిల్లీ క్యాపిట‌ల్స్ కు కెప్టెన్ గా వ్య‌వ‌హ‌రిస్తోంది. ఏ స‌మ‌యంలోనైనా జ‌ట్టును గెలిపించే స‌త్తా ఆమెకు ఉంది. ఈ జ‌ట్టుకు స్కిప్ప‌రే బ‌లం. ఢిల్లీ క్యాపిట‌ల్స్ లో ష‌ఫాలీ వ‌ర్మ, జెమీమా రోడ్రిగ్స్ (వైస్ కెప్టెన్ ) , శిఖా పాండే , పూన‌మ్ యాద‌వ్ , అరుంధ‌తి రెడ్డి, తానియా భాటియా, రాధా యాద‌వ్ ఉన్నారు.
Also Read : వారెవ్వా కౌర్ కెప్టెన్సీ ఇన్నింగ్స్