Yuzvendra Chahal : పెళ్లిలో సైతం ఇంత టెన్ష‌న్ ప‌డ‌లేదు
యుజ్వేంద్ర చాహ‌ల్ ప‌టేల్ తో ఫ‌న్నీ ఇంట‌ర్వ్యూ
Yuzvendra Chahal : ఇండియ‌న్ ప్రిమీయ‌ర్ లీగ్ (ఐపీఎల్ ) లో త‌న అద్బుత‌మైన బంతుల‌తో ప్ర‌త్య‌ర్థుల‌ను బోల్తా కొట్టించిన ఘ‌న‌త యుజ్వేంద్ర చాహ‌ల్ కే ద‌క్కింది. అత్యధిక వికెట్లు తీసి ప‌ర్పుల్ క్యాప్ అందుకున్నాడు.
ఈ రిచ్ లీగ్ లో అత్యధిక అవార్డులు ఆర్ఆర్ కే ద‌క్కాయి. ఆ త‌ర్వాత భార‌త జ‌ట్టుకు ఎంపికైన చాహ‌ల్ కీల‌క పాత్ర పోషిస్తూ వ‌చ్చాడు.
తాజాగా విండీస్ టూర్ లో భాగంగా వెట‌రన్ ఓపెన‌ర్ శిఖ‌ర్ ధావ‌న్ సార‌థ్యంలో భార‌త జ‌ట్టు విండీస్ పై మూడు వ‌న్డేల సీరీస్ లో భాగంగా 2-0 తేడాతో సీరీస్ కైవ‌సం చేసుకుంది.
ఇంకా ఒక మ్యాచ్ ఆడాల్సి ఉంది. అయితే ఈ రెండు మ్యాచ్ లు చివ‌రి బంతి దాకా నువ్వా నేనా రీతిలో ఉత్కంఠ భ‌రితంగా సాగాయి. విచిత్రం ఏమిటంటే తొలి వ‌న్డేలో భార‌త జ‌ట్టు 3 ప‌రుగుల తేడాతో నెగ్గింది.
సిరాజ్, శాంస‌న్ పుణ్య‌మా అని గెలిచింది. ఇక రెండో వ‌న్డేలో అయ్య‌ర్, శాంస‌న్, అక్ష‌ర్ ప‌టేల్ అద్భుతంగా ఆడడంతో గ‌ట్టెక్కింది. ప్ర‌ధానంగా చెప్పుకోవాల్సింది అక్ష‌ర్ ప‌టేల్. మ‌నోడు అటు బౌలింగ్ తో పాటు ఇటు బ్యాట‌ర్ గా రాణించాడు.
విండీస్ బౌల‌ర్ల భ‌ర‌తం ప‌ట్టాడు. ఈ సంద‌ర్భంగా ఆఖ‌రు ఓవ‌ర్ లో 8 ర‌న్స్ చేయాల్సి ఉండ‌గా అద్భుత‌మైన సిక్స్ కొట్టి టీమిండియాకు చిర‌స్మ‌ర‌ణీయ‌మైన విజ‌యాన్ని అందించాడు ప‌టేల్.
ఈ సంద‌ర్భంగా స‌ర‌దాగా యుజ్వేంద్ర చాహ‌ల్(Yuzvendra Chahal) ఇంట‌ర్వ్యూ చేశాడు. తాను పెళ్లి స‌మ‌యంలో కూడా ఇంత టెన్ష‌న్ ప‌డ‌లేద‌ని కానీ ఈ మ్యాచ్ లో ప‌డ్డానంటూ పేర్కొన్నాడు. ప్ర‌స్తుతం బీసీసీఐ షేర్ చేసిన ఈ వీడియో నెట్టింట్లో వైర‌ల్ గా మారింది.
Also Read : అంబ‌రాన్నంటిన సంబురం
Chahal TV 📺 is back – this time from The Caribbean 😎 👌
This episode ft., 2nd #WIvIND ODI batting hero – @akshar2026 & ODI debutant @Avesh_6. 👍 👍 – By @28anand
Full interview 🎥 🔽 #TeamIndia | @yuzi_chahalhttps://t.co/KbrajeCbYR pic.twitter.com/Ulb42hOdvO
— BCCI (@BCCI) July 25, 2022