Akbaruddin Owaisi : వైఎస్సార్ వ‌ల్ల‌నే కాంగ్రెస్ కు మ‌ద్ద‌తు
షాకింగ్ కామెంట్స్ చేసిన అక్బ‌రుద్దీన్
Akbaruddin Owaisi : హైద‌రాబాద్ – ఎంఐఎం ఎమ్మెల్యే అక్బ‌రుద్దీన్ ఓవైసీ షాకింగ్ కామెంట్స్ చేశారు. గ‌వ‌ర్న‌ర్ ప్ర‌సంగానికి ధ‌న్య‌వాదాలు తెలిపే తీర్మానంపై పాల్గొన్నారు. ఈ సంద‌ర్బంగా తాము కాంగ్రెస్ పార్టీకి ఎందుకు మ‌ద్ద‌తు ఇస్తున్నామనే దానిపై వివ‌ర‌ణ ఇచ్చే ప్ర‌య‌త్నం చేశారు ఓవైసీ.
Akbaruddin Owaisi Comment
ఎన్నిక‌ల ప్ర‌చారంలో భాగంగా ఒక‌రిపై మ‌రొక‌రం ఆరోప‌ణ‌లు చేసుకున్నామ‌ని, కానీ అవి బ‌య‌ట ఇప్పుడు ప్ర‌భుత్వం మారింద‌న్నారు. గ‌తంలో కేసీఆర్ స‌ర్కార్ కు న‌గ‌రం అభివృద్ది కోసం ప్ర‌త్యేకంగా త‌మ కమ్యూనిటీ స‌మ‌స్య‌ల ప‌రిష్కారం కోసం బేష‌ర‌తుగా మ‌ద్ద‌తు ఇచ్చామ‌న్నారు. ఇందులో ఎలాంటి అనుమానం అక్క‌ర్లేద‌న్నారు.
అయితే కాంగ్రెస్ పార్టీ ఎన‌లేని హామీలు కురిపించింద‌న్నారు. వాటిని ఎలా అమ‌లు చేస్తార‌నే దానిపై తాము కూడా ఎదురు చూస్తున్నామ‌ని చెప్పారు. ఇవాళ కాంగ్రెస్ పార్టీ స‌ర్కార్ కు సంపూర్ణంగా స‌హాయ స‌హ‌కారాలు అంద‌జేస్తామ‌ని హామీ ఇచ్చారు. దీనికి తాము క‌ట్టుబ‌డి ఉంటామ‌ని పేర్కొన్నారు ఓవైసీ.
అయితే ఎందుకు మ‌ద్ద‌తు ఇస్తున్నామనే దానిపై వివ‌ర‌ణ ఇచ్చే ప్ర‌య‌త్నం చేశారు అక్బ‌రుద్దీన్ ఓవైసీ(Akbaruddin Owaisi). ఆనాడు దివంగ‌త సీఎం వైఎస్ రాజ‌శేఖ‌ర్ రెడ్డి త‌మ‌కు బేష‌ర‌తుగా స‌పోర్ట్ ఇచ్చార‌ని, తాము ఏది కోరినా కాద‌న‌లేద‌ని గుర్తు చేశారు. ఇవాళ ఆయ‌న‌పై ఉన్న ప్రేమ‌తో రేవంత్ రెడ్డికి మ‌ద్ద‌తు ఇవ్వాల‌ని నిర్ణ‌యం తీసుకున్న‌ట్లు తెలిపారు.
Also Read : Nara Lokesh : పాల‌న అస్త‌వ్య‌స్తం ప్ర‌జ‌ల‌కు శాపం