Ambati Rambabu : బాబు..ప‌వ‌న్ ను జ‌నం న‌మ్మ‌రు – రాంబాబు

Ambati Rambabu : ఏపీ రాష్ట్ర జ‌ల వ‌న‌రుల శాఖ మంత్రి అంబ‌టి రాంబాబు(Ambati Rambabu) నిప్పులు చెరిగారు. ఆయ‌న మీడియాతో మాట్లాడారు. త‌న‌ను ఓడించేందుకు చంద్ర‌బాబు నాయుడు, జ‌న‌సేన చీఫ్ ప‌వ‌న్ క‌ళ్యాణ్ ప్లాన్ చేస్తున్నార‌ని సంచ‌ల‌న ఆరోప‌ణ‌లు చేశారు. ఇద్ద‌రు క‌లిసినా త‌న‌ను ఏమీ చేయ‌లేరని స్ప‌ష్టం చేశారు. ప్ర‌జ‌లు ఏనాడో బాబు, ప‌వ‌న్ కళ్యాణ్ ను ప‌ట్టించు కోవ‌డం మానేశార‌న్నారు. తాము అభివృద్దే ధ్యేయంగా ప‌ని చేస్తున్నామ‌ని కానీ ఆ ఇద్ద‌రు నేత‌లు ఎలా ప‌డ‌గొట్టాల‌ని కుట్ర‌లకు తెర లేపారంటూ మండిప‌డ్డారు. దేశంలో ఎక్క‌డా లేని విధంగా త‌మ స‌ర్కార్ సంక్షేమ ప‌థ‌కాల‌ను అమ‌లు చేస్తోంద‌ని చెప్పారు.

ఇవాళ నాడు నేడు కార్య‌క్ర‌మం దేశానికి ఆద‌ర్శ ప్రాయంగా నిలిచింద‌ని అన్నారు అంబ‌టి రాంబాబు. విద్య‌, వైద్యం, ఉపాధి, ప‌రిశ్ర‌మ‌ల స్థాప‌న అన్న‌ది త‌మ ప్ర‌యారిటీ అని స్ప‌ష్టం చేశారు. ఇప్ప‌టికే వేలాదిగా ఉద్యోగాల‌ను భ‌ర్తీ చేయ‌డం జ‌రిగింద‌ని పేర్కొన్నారు. ఇవాళ సీఎం జ‌గ‌న్ రెడ్డి గ్రూప్ -1, గ్రూప్ -2 పోస్టుల భ‌ర్తీకి కూడా ప‌చ్చ జెండా ఊపార‌ని తెలిపారు. చంద్ర‌బాబు నాయుడు ప్ర‌ధాన ఎజెండా ఒక్క‌టే అదేమిటంటే ప్ర‌జ‌ల‌ను మోసం చేయ‌డం, ఆచ‌ర‌ణ‌కు నోచుకోని హామీల‌ను ఇవ్వ‌డం మాత్ర‌మేన‌ని అన్నారు.

ద‌మ్ముంటే బ‌హిరంగంగా స‌త్తెన్న‌ప‌ల్లిలో త‌న‌ను ఢీకోవాల‌ని కానీ దొడ్డి దారిన కాద‌న్నారు అంబ‌టి రాంబాబు. వ‌చ్చే ఎన్నిక‌ల్లో తన‌ను ఓడించడం ఎవ‌రి త‌రం కాద‌న్నారు. సీఎం జ‌గ‌న్ రెడ్డి సార‌థ్యంలో తాము మ‌రోసారి ప‌వ‌ర్ లోకి వ‌స్తామ‌ని , చంద్ర‌బాబు, ప‌వ‌న్ క‌ళ్యాణ్ చూస్తూ ఉండాల్సిందేనంటూ ఎద్దేవా చేశారు మంత్రి.

Also Read : Saalu Marada Thimmakka