Asaduddin Owaisi : బీఆర్ఎస్ కు ఓటు వేయండి – ఓవైసీ
మూడోసారి కేసీఆర్ ను సీఎం చేయండి
Asaduddin Owaisi : హైద‌రాబాద్ – ఎంఐఎం చీఫ్, హైద‌రాబాద్ ఎంపీ అస‌దుద్దీన్ ఓవైసీ(Asaduddin Owaisi) సంచ‌ల‌న కామెంట్స్ చేశారు. తెలంగాణ‌లో వ‌చ్చే నెల న‌వంబ‌ర్ 30న పోలింగ్ జ‌ర‌గ‌నుంది. ఇప్ప‌టికే అన్ని పార్టీలు క‌ద‌న రంగంలోకి దూకాయి. ఈ త‌రుణంలో బీఆర్ఎస్ కు బేష‌ర‌తు మ‌ద్ద‌తు ప్ర‌క‌టించారు ఎంఐఎం చీఫ్ .
Asaduddin Owaisi Comment for Alliance
గ‌త ఎన్నిక‌ల్లో లోపాయికారిగా మ‌ద్ద‌తు ప్ర‌క‌టించిన ఓవైసీ ఉన్న‌ట్టుండి రూట్ మార్చారు. సీన్ మారింద‌ని, ఈసారి కూడా గులాబీ జెండా మ‌రోసారి ఎగ‌ర‌డం ఖాయ‌మ‌ని జోష్యం చెప్పారు. ముచ్చ‌ట‌గా మూడోసారి సీఎంగా కేసీఆర్ కొలువు తీర‌డం ఖాయ‌మ‌ని పేర్కొన్నారు ఓవైసీ.
ఓవైసీ మంగ‌ళ‌వారం మీడియాతో మాట్లాడారు. త‌మ పార్టీ త‌ర‌పున అభ్య‌ర్థులు బరిలో ఉంటార‌ని స్ప‌ష్టం చేశారు. అయితే తాము అన్ని చోట్లా నిల‌బ‌డ‌మ‌ని పేర్కొన్నారు. అయితే త‌మ అభ్య‌ర్థులు ఉన్న చోట ఎంఐఎంకు ఓటు వేయాల‌ని, త‌మ క్యాండిడేట్స్ నిల‌బ‌డని చోట బీఆర్ఎస్ పార్టీ పోటీ చేస్తున్న అభ్య‌ర్థుల‌కు ఓట్లు వేయాల‌ని పిలుపునిచ్చారు అస‌దుద్దీన్ ఓవైసీ.
ఇదే స‌మ‌యంలో ఎంఐఎం చీఫ్ ఏఐసీసీ మాజీ చీఫ్ , వాయనాడు ఎంపీ రాహుల్ గాంధీపై నిప్పులు చెరిగారు. తెలంగాణ‌కు వ‌స్తే క‌ళ క‌ళ‌లాడే ప్రాజెక్టులు, నిండిన చెరువులు, క‌ళ్ల‌కు ఇంపైన అభివృద్ది క‌నిపించ‌డం ఖాయ‌మ‌న్నారు.
Also Read : Tirumala : క‌నువిందు చేసిన క‌ళా రూపాలు