Balakrishna Lokesh : జ‌గ‌న్ పాల‌న అస్త‌వ్య‌స్తం – బాల‌య్య
డ్ర‌గ్ , ల్యాండ్ , సాండ్ మాఫియా
Balakrishna Lokesh Yatra : హిందూపురం ఎమ్మెల్యే, ప్ర‌ముఖ న‌టుడు నంద‌మూరి బాల‌కృష్ణ షాకింగ్ కామెంట్స్ చేశారు. ఏపీలో జ‌గ‌న్ రెడ్డి స‌ర్కార్ పై నిప్పులు చెరిగారు. అత్యంత చెత్త ప్ర‌భుత్వంగా ఆయ‌న అభివ‌ర్ణించారు. అల్లుడు నారా లోకేష్ బాబు(Balakrishna Lokesh Yatra) చేప‌ట్టిన యువ గ‌ళంలో బాల‌య్య పాల్గొన్నారు. ల‌క్ష‌ల కోట్ల అప్పులు చేసిన ఘ‌న‌త వైసీపీ ప్ర‌భుత్వానికి ద‌క్కుతుంద‌ని అన్నారు.
కానీ తెచ్చిన నిధులు ఎక్క‌డికి పోయాయంటూ ప్ర‌శ్నించారు. ప్ర‌స్తుతం రాక్ష‌స, రాచ‌రిక పాల‌న సాగుతోంద‌ని ఆరోపించారు. రాష్ట్రంలో డ్ర‌గ్స్ , ల్యాండ్, శాండ్ మాఫియాలు రాజ్యం ఏలుతున్నాయ‌ని మండిప‌డ్డారు బాల‌య్య.
ప్ర‌జ‌ల‌కు మాయ మాట‌లు చెప్పిన జ‌గ‌న్ రెడ్డి వారిని తీవ్ర ఇబ్బందుల‌కు గురి చేస్తున్నాడంటూ వాపోయారు. రాబోయే రోజుల్లో ప్ర‌జ‌లు మార్పును కోరుకుంటున్నార‌ని, టీడీపీకి ప‌ట్టం క‌ట్ట‌డం ఖాయ‌మ‌న్నారు బాల‌య్య(Balakrishna) . రాష్ట్ర స‌ర్కార్ కు ఇప్ప‌టి దాకా ఒక విజ‌న్ అంటూ లేకుండా పోయింద‌ని ఎద్దేవా చేశారు.
మూడు రాజ‌ధానుల పేరుతో కాల‌యాప‌న చేస్తూ వ‌చ్చిన జ‌గ‌న్ రెడ్డికి ఓట్ల రూపంలో బుద్ది చెప్పాల‌ని పిలుపునిచ్చారు. ఉన్న వ్య‌వ‌స్థ‌ల‌ను నిర్వీర్యం చేసిన ఘ‌న‌త సీఎంకు ద‌క్కుతుంద‌న్నారు బాల‌య్య. అనంత‌పురం జిల్లా శింగ‌న‌మ‌ల నియోజ‌క‌వ‌ర్గంలో ప‌ర్య‌టించారు బాల‌కృష్ణ.
Also Read : కొడుకు..బిడ్డ జైలుకు పోవడం ఖాయం