BJP Bandi Sanjay Comments : ఆ రెండు పార్టీలు ఒక్క‌టే – బండి

BJP Bandi Sanjay Comments : భార‌తీయ జ‌న‌తా పార్టీ స్టేట్ చీఫ్ బండి సంజ‌య్ షాకింగ్ కామెంట్స్ చేశారు. తాము మొద‌టి నుంచి చెబుతూ వ‌స్తున్నామ‌ని బీజేపీ, కాంగ్రెస్ పార్టీలు ఒక్క‌టేన‌ని ఆరోపంచారు. ఇది నిజ‌మైంద‌ని కోమ‌టిరెడ్డి వ్యాఖ్య‌ల‌తో రూఢీ అయ్యింద‌న్నారు బండి సంజ‌య్. రాబోయే ఎన్నిక‌ల్లో కాంగ్రెస్ , బీఆర్ఎస్ క‌లిసే పోటీ చేస్తాయ‌ని(BJP Bandi Sanjay Comments) , పైకి మాత్రం తిట్టుకుంటున్న‌ట్లు న‌టిస్తున్నార‌ని ఆరోపించారు. ప్ర‌జా స‌మ‌స్య‌ల‌ను ప్ర‌స్తావిస్తూ ముందుకు సాగుతున్నామ‌ని కానీ కాంగ్రెస్ ఎందుకు ప్ర‌శ్నించ‌డం లేద‌ని ప్ర‌శ్నించారు బండి సంజ‌య్.

పార్టీకి వ్య‌తిరేకంగా మాట్లాడిన భువ‌న‌గ‌రి ఎంపీ కోమ‌టిరెడ్డి వెంక‌ట్ రెడ్డిపై ఎందుకు చ‌ర్య‌లు తీసుకోవ‌డం లేద‌ని ప్ర‌శ్నించారు. ఆయ‌న‌పై యాక్ష‌న్ తీసుకునే ద‌మ్ము ఆ పార్టీకి , హైక‌మాండ్ కు లేద‌న్నారు. ఇలాంటి వాళ్లు త‌మ గురించి మాట్లాడ‌టం విడ్డూరంగా ఉంద‌ని ఎద్దేవా చేశారు బండి సంజ‌య్ కుమార్ ప‌టేల్. కాంగ్రెస్, బీఆర్ఎస్ మ్యాచ్ ఫిక్సింగ్ చేసుకున్నాయ‌ని కానీ ప్ర‌జ‌ల చెవుల్లో పూలు పెట్టేందుకు ఒక‌రిపై మ‌రొక‌రు ఆరోప‌ణ‌లు చేసుకుంటున్నార‌ని సీరియ‌స్ కామెంట్స్ చేశారు.

బీఆర్ఎస్ తో పొత్తు ఉండ‌ద‌ని ఆ పార్టీ అగ్ర నాయ‌కుడు రాహుల్ గాంధీ చెప్పార‌ని మ‌రి పార్టీని కాద‌ని కోమంట‌రెడ్డి వెంక‌ట్ రెడ్డి ఎందుకు ఇలా మాట్లాడుతున్నారో ఆలోచించాల‌ని అన్నారు. ఎంపీపై చ‌ర్య‌లు తీసుకునే ద‌మ్ము ఆ పార్టీకి లేద‌న్నారు. ఉంటే వెంట‌నే చ‌ర్య తీసుకోవాల‌ని డిమాండ్ చేశారు.

బీజేపీకి రాష్ట్రంలో రోజు రోజుకు ఆద‌ర‌ణ పెరుగుతోంద‌ని , దానిని త‌ట్టుకోలేక ఇరు పార్టీలు లోపాయికారిగా ఒక్క‌టి అవుతున్నాయ‌ని పేర్కొన్నారు.

Also Read : ఆధ్యాత్మిక క్షేత్రంగా కొండ‌గ‌ట్టు – కేసీఆర్