Bhatti Vikramarka : మ‌ధిర అడ్డ కాంగ్రెస్ అడ్డా
సీఎల్పీ నేత భ‌ట్టి విక్ర‌మార్క
Bhatti Vikramarka : మ‌ధిర – ఆరు నూరైనా స‌రే తాను గెలిచి తీరుతాన‌ని స్ప‌ష్టం చేశారు సీఎల్పీ నేత మ‌ల్లు భ‌ట్టి విక్ర‌మార్క. కేసీఆర్ కాదు కాదా ఆయ‌న తండ్రి దిగి వ‌చ్చినా త‌న‌ను ఓడించ లేర‌న్నారు. త‌న గురించి అవాకులు చెవాకులు పేలిన వాళ్లు ఎవ‌రైనా స‌రే త‌న‌ను త‌ట్టు కోవ‌డం క‌ష్ట‌మ‌ని అన్నారు. ఎన్నిక‌ల ప్ర‌చారంలో భాగంగా జ‌రిగిన బ‌హిరంగ స‌భ‌లో ప్ర‌సంగించారు.
Bhatti Vikramarka Comment
ఏఐసీసీ ఆదేశాల మేర‌కు ప్ర‌జ‌ల ఆశీర్వాదంతో రాష్ట్ర‌మంతా పాద‌యాత్ర చేప‌ట్టాన‌న్నారు. ప్ర‌జా ప్ర‌భుత్వం ఏర్పాటే ల‌క్ష్యంగా సాగుతోంది త‌న ప్ర‌యాణం అన్నారు మ‌ల్లు భ‌ట్టి విక్ర‌మార్క(Bhatti Vikramarka). త‌న ఇన్నేళ్ల జ‌ర్నీలో మ‌ధిర ఎల్ల‌ప్ప‌టికీ త‌న గుండెల్లో ప‌దిలంగా ఉంటుంద‌న్నారు.
రాష్ట్రంలో మార్పు ఖాయ‌మ‌ని , ఇందులో ఎలాంటి అనుమానం అక్క‌ర్లేద‌న్నారు. 119 అసెంబ్లీ నియోజ‌క‌వ‌ర్గాల‌కు గాను త‌మ‌కు 80కి పైగా సీట్లు వ‌స్తాయ‌ని స్ప‌ష్టం చేశారు భ‌ట్టి విక్ర‌మార్క. బీఆర్ఎస్ తుడుచుకు పెట్టుకుని పోవ‌డం ప‌క్కా అన్నారు.
కేసీఆర్ క‌ల‌ల్లో తేలి యాడుతున్నాడ‌ని ఆయ‌న ప‌క్కాగా ఓడి పోవ‌డం ఖాయ‌మ‌ని జోష్యం చెప్పారు. ఏది ఏమైనా ప్ర‌జ‌లు ఇప్ప‌టికే డిసైడ్ అయ్యార‌ని కాంగ్రెస్ కు చేయూత ఇవ్వాల్సిన అవ‌స‌రం ఉంద‌న్నారు.
Also Read : Amit Shah : అవినీతి అన‌కొండ కేసీఆర్