Chandra Babu Naidu : న‌వ శ‌కానికి నాంది ప‌ల‌కాలి
పిలుపునిచ్చిన చంద్ర‌బాబు
Chandra Babu Naidu : బెంగ‌ళూరు – తెలుగుదేశం పార్టీ చీఫ్ , మాజీ సీఎం నారా చంద్ర‌బాబు నాయుడు(Chandra Babu Naidu) కీల‌క వ్యాఖ్య‌లు చేశారు. న‌వ శ‌కానికి నాంది ప‌ల‌కాల‌ని పిలుపునిచ్చారు. తెలుగు జాతి నెంబ‌ర్ 1 కావాల‌ని పేర్కొన్నారు. ప్రపంచ వ్యాప్తంగా తెలుగు వారు ఎక్క‌డ ఉన్నా త‌మ‌కు మ‌ద్ద‌తు ఇవ్వాల‌ని కోరారు మాజీ సీఎం. ఉద్యోగాలు చేసే స్థాయి నుంచి కొలువులు ఇచ్చే స్థాయికి ఎద‌గాల‌ని అన్నారు.
Chandra Babu Naidu Comment
న‌వ శ‌కం తెలుగు వారి సొంతం కావాల‌న్న‌దే త‌న ముందున్న లక్ష్య‌మ‌న్నారు . తాను ఉన్నా లేక పోయినా తాను ప్రారంభించిన ప‌థ‌కాలు కల‌కాలం కొన‌సాగాల‌న్న‌దే త‌న అభిమ‌త‌మ‌ని స్ప‌ష్టం చేశారు నారా చంద్ర‌బాబు నాయుడు.
గ‌తంలో థింక్ గ్లోబ‌ల్లీ యాక్ట్ లోక‌ల్లీ ఉండేద‌ని కానీ ప్ర‌స్తుతం అది మారింద‌ని థింక్ గ్లోబ‌ల్లీ యాక్ట్ గ్లోబ‌ల్లీ అనేది కొత్త నినాదంగా మారింద‌న్నారు. బెంగ‌ళూరులో ఏర్పాటు చేసిన టీడీపీ ఫోరంలో పాల్గొని ప్ర‌సంగించారు. అక్క‌డి నుంచి కుప్పంకు వెళ్లారు.
పార్టీ ప‌రంగా అన్ని విభాగాల‌ను ఎంపిక చేశామ‌ని , కానీ యువ‌కులంతా క‌లిసి బెంగ‌ళూరు ఫోరంగా ఏర్ప‌డ‌డం త‌న‌ను విస్తు పోయేలా చేసింద‌న్నారు టీడీపీ చీఫ్. ప్రపంచ వ్యాప్తంగా 70 దేశాల‌లో ఉన్న తెలుగు వారు త‌న‌కు మ‌ద్ద‌తు ఇవ్వ‌డం ఆనందంగా ఉంద‌న్నారు.
Also Read : CPI Ramakrishna : స్టీల్ ప్లాంట్ ప్రైవేటీక‌ర‌ణ చేయొద్దు