Nara Rammurthy Naidu : చంద్రబాబు సోదరుడు రామ్మూర్తి నాయుడు మృతి

Nara Rammurthy Naidu : ఆంధ్రప్రదేశ్ ముఖ్యమంత్రి నారా చంద్రబాబు నాయుడు సోదరుడు, హీరో నారా రోహిత్ తండ్రి రామ్మూర్తి నాయుడు కన్నుమూశారు. గత కొద్ది రోజులుగా అనారోగ్యంతో బాధపడుతున్న ఆయన.. చికిత్స కోసం హైదరాబాద్‌లోని ఏఐజీ ఆస్పత్రిలో చేరారు. శనివారం మధ్యాహ్నం సమయంలో గుండెపోటుతో రామ్మూర్తి నాయుడు తుదిశ్వాస విడిచారు. సోదరుడి మరణ వార్త తెలుసుకున్న ముఖ్యమంత్రి చంద్రబాబు నాయుడు తన ఢిల్లీ పర్యటనను రద్దు చేసుకుని హుటాహుటిన హైదరాబాద్‌కు తిరుగుపయనం అయ్యారు. మంత్రి నారా లోకేష్ కూడా అమరావతి నుంచి ప్రత్యేక విమానంలో హైదరాబాద్‌కు వచ్చారు. రామ్మూర్తి నాయుడు(Nara Rammurthy Naidu) చికిత్స పొందుతున్న ఏఐజీ ఆస్పత్రికి చేరుకున్నారు. నారా, నందమూరి కుటుంబ సభ్యులు అంతా ఆస్పత్రికి చేరుకున్నారు.

Nara Rammurthy Naidu No More..

ఆస్పత్రిలోచికిత్స పొందుతూ రామ్మూర్తి నాయుడు కన్నుమూశారనే వార్త తెలుసుకున్న నారా, నందమూరి కుటుంబ సభ్యులు అంతా ఆస్పత్రికి చేరుకున్నారు. రామ్మూర్తి నాయుడి అంత్యక్రియలు ఆదివారం నాడు ఆయన స్వగ్రామమైన నారావారిపల్లెలో నిర్వహించనున్నట్లు ప్రకటించారు. రామ్మూర్తి నాయుడు మృతిపై సినీ, రాజకీయ నాయకులంతా నివాళులు అర్పిస్తున్నారు. ఇక రామ్మూర్తి నాయుడు విషయానికి వస్తే.. 1994 నుంచి 1999 వరకు చంద్రగిరి శాసనసభ నియోజకవర్గానికి తెలుగుదేశం పార్టీ తరపున ఎమ్మెల్యేగా పనిచేశారు. ఆయన కుమారుడు నారా రోహిత్ నిశ్చితార్థం ఇటీవల ‘ప్రతినిధి 2’ హీరోయిన్ సిరిలెల్లాతో జరిగిన విషయం తెలిసిందే. వారి పెళ్లి సరిగ్గా నెలరోజులు ఉందనగా ఇప్పుడాయన తండ్రి రామ్మూర్తి నాయుడు మృతి చెందడం.. ఆ కుటుంబాన్ని తీవ్ర విషాదంలో నెట్టేసింది.

Also Read : CM Chandrababu : స్మార్ట్ ఫోన్ చేతిలో ఉంటే ప్రపంచంలో ఏ మూల నుంచైనా పని చేసుకోవచ్చు