CM KCR Meeting : 24న సూర్యాపేట‌లో కేసేఆర్ స‌భ
కలెక్టరేట్ ప్రారంభించ‌నున్న సీఎం
CM KCR Meeting : సీఎం కేసీఆర్ జోష్ పెంచారు. త్వ‌ర‌లోనే శాస‌న‌స‌భ ఎన్నిక‌లు జ‌ర‌గ‌నున్నాయి. ఈ మేర‌కు ముంద‌స్తుగా గ్రౌండ్ ప్రిపేర్ చేస్తున్నారు. ప్ర‌భుత్వ ఆధ్వ‌ర్యంలో నిర్మించిన స‌మీకృత కలెక్టరేట్ భ‌వ‌నాల‌ను ప్రారంభించ‌నున్నారు. ఇప్ప‌టికే ప‌లు జిల్లాల్లో ప్రారంభించారు. ఆయా ప్రాంతాల‌లో క‌లెక్ట‌ర్ల‌ను త‌మ సీట్ల‌లో కూర్చో బెట్టారు. వారికి స‌ముచిత గౌర‌వం ఇచ్చారు. ఇదే స‌మ‌యంలో ఉద్యోగుల‌కు కూడా ఖుష్ క‌బ‌ర్ చెప్పారు. రాష్ట్ర అభివృద్దిలో మీరే కీల‌కం అంటూ ప్ర‌శంస‌లు కురిపించారు ఇటీవ‌ల గ‌ద్వాల జిల్లా కలెక్టరేట్ ప్రారంభోత్స‌వంలో.
తాజాగా భార‌త రాష్ట్ర స‌మితి పార్టీ కీల‌క ప్ర‌క‌ట‌న చేసింది. శుక్ర‌వారం ట్విట్ట‌ర్ వేదిక‌గా సీఎం కేసీఆర్(KCR) జూలై 24న సూర్యాపేట‌కు వెళ‌తార‌ని తెలిపింది. ఇందులో భాగంగా రాష్ట్ర ప్ర‌భుత్వ ఆధ్వ‌ర్యంలో అత్యంత ప్ర‌తిష్టాత్మ‌కంగా నిర్మించిన సూర్యాపేట కలెక్టరేట్ భ‌వ‌న స‌ముదాయాన్ని ప్రారంభిస్తార‌ని వెల్ల‌డించింది బీఆర్ఎస్. ఇదే స‌మ‌యంలో జిల్లా ఎస్పీ కార్యాల‌యాన్ని కూడా ప్రారంభిస్తార‌ని పేర్కొంది.
వీటితో పాటు కొత్త‌గా నిర్మించిన వైద్య క‌ళాశాల భ‌వ‌నంతో పాటు స‌మీకృత మార్కెట్ ను కూడా సీఎం కేసీఆర్ ప్రారంభించ‌నున్నార‌ని వెల్ల‌డించింది బీఆర్ఎస్ పార్టీ. ప్రారంభోత్స‌వాల అనంత‌రం సూర్యాపేట‌లో బ‌హిరంగ స‌భ ఉంటుంద‌ని పేర్కొంది.
Also Read : KTR Modi : మోదీ ప‌ర్య‌ట‌న బ‌హిష్క‌ర‌ణ – కేటీఆర్