CM KCR : చిల్లర‌గాళ్ల‌కు చుక్క‌లు చూపించండి
పిలుపునిచ్చిన సీఎం కేసీఆర్
CM KCR : సిరిసిల్ల – బీఆర్ఎస్ బాస్ , సీఎం కేసీఆర్ నిప్పులు చెరిగారు. ఎన్నిక‌ల ప్ర‌చారంలో భాగంగా సిరిసిల్లలో జ‌రిగిన బ‌హిరంగ స‌భ‌లో పాల్గొని ప్ర‌సంగించారు. ఒక‌నాడు చేనేత‌న్న‌ల ప‌రిస్థితి దారుణంగా ఉండేద‌న్నారు. కానీ ఇవాళ సీన్ మారింద‌న్నారు. ప్ర‌స్తుతం కొంద‌రు చిల్ల‌ర‌గాళ్లు రాజ‌కీయాలు చేస్తున్నారంటూ మండిప‌డ్డారు. ప్ర‌తిప‌క్షాల‌ను ఉద్దేశించి తీవ్ర ఆగ్ర‌హం వ్య‌క్తం చేశారు.
CM KCR Slams Opposition
కొంద‌రు క‌ల్ల‌బొల్లి క‌బుర్లు చెబుతార‌ని , వారి మాట‌లు న‌మ్మ‌వ‌ద్ద‌ని అన్నారు. దేశంలోనే ఎక్క‌డా లేని విధంగా చేనేత కార్మికుల‌కు భీమా స‌దుపాయం క‌ల్పిస్తున్నామ‌ని చెప్పారు సీఎం కేసీఆర్(CM KCR). సిరిసిల్ల న‌గ‌రం షోలాపూర్ లాగా కావాల‌ని పిలుపునిచ్చారు. ఇందుకోసం అవ‌స‌ర‌మైతే ఎన్ని నిధులైనా ఇచ్చేందుకు తాను సిద్దంగా ఉన్నానని స్ప‌ష్టం చేశారు.
చేనేత కార్మికుల అవ‌స‌రాలు తీర్చేందుకు స‌ర్కార్ మీ వెంట ఉంట‌ద‌ని హామీ ఇచ్చారు. కొంత‌మంది దుర్మార్గులు ఉంటారంటూ ప్ర‌తిప‌క్ష నేత‌ల‌ను ఉద్దేశించి ఎద్దేవా చేశారు కేసీఆర్. రాబోయే కాలంలో గెలిచేది గులాబీ జెండానేన‌ని, తిరిగి ముచ్చ‌ట‌గా మూడోసారి తాను సీఎం కావ‌డం ఖాయ‌మ‌ని జోష్యం చెప్పారు.
Also Read : Big Fight Comment : ఎల‌క్ష‌న్ వార్ లో నువ్వా నేనా