Dasoju Sravan : జీస‌స్ స్పూర్తితో కేసీఆర్ పాల‌న – శ్ర‌వ‌ణ్

Dasoju Sravan : భార‌త రాష్ట్ర స‌మితి అగ్ర నేత డాక్ట‌ర్ దాసోజు శ్ర‌వ‌ణ్ ఆస‌క్తిక‌ర వ్యాఖ్య‌లు చేశారు. ఏసు క్రీస్తు స్పూర్తితో తెలంగాణ పాల‌న సాగుతోంద‌న్నారు. బుధ‌వారం తెలంగాణ యునైటెడ్ క్రిస్టియ‌న్స్ అండ్ పాస్ట‌ర్స్ అసోసియేష‌న్ (టీయూసీపీఏ) ఆధ్వ‌ర్యంలో గోనే స‌ల్మాన్ రాజు నేతృత్వంలో తెలంగాణ ద‌శాబ్ది ఉత్స‌వాల‌ను నిర్వ‌హించారు. ఈ సంద‌ర్బంగా చేప‌ట్టిన ప్ర‌త్యేక ప్రార్థ‌న దినోత్స‌వం హైద‌రాబాద్ లోని నారాయ‌ణ‌గూడ బాప్టిస్ట్ చ‌ర్జిలో జ‌రిగింది. ఈ కార్య‌క్ర‌మానికి ముఖ్య అతిథిగా హాజ‌ర‌య్యారు దాసోజు శ్ర‌వ‌ణ్‌.

దేశానికే తెలంగాణ రోల్ మోడ‌ల్ గా నిలిచింద‌ని, ఇదంతా సీఎం కేసీఆర్ వ‌ల్ల‌నే సాధ్య‌మైంద‌ని స్ప‌ష్టం చేశారు. జీస‌స్ ను స్మ‌రించుకున్న ప్ర‌తిసారి పోరాటం, త్యాగం, సేవ మ‌న‌సులో క‌లుగుతుంద‌ని అన్నారు . తెలంగాణ రాష్ట్ర సాధ‌న కోసం కేసీఆర్ అహోరాత్రులు శ్ర‌మించార‌ని గుర్తు చేశారు దాసోజు శ్ర‌వ‌ణ్(Dasoju Sravan). ఉమ్మ‌డి ఏపీలో అస‌లు తెలంగాణ రాష్ట్రం రానే రాద‌న్నారు. కానీ ఆచ‌ర‌ణ‌లో చేసి చూపించారు కేసీఆర్ అని కొనియాడారు.

రాష్ట్రం ఏర్ప‌డిన త‌ర్వాత పాల‌నే చేత కాద‌న్నార‌ని , కానీ ఇవాళ పాల‌నా ప‌రంగా స్పూర్తి దాయ‌కంగా తెలంగాణ నిలిచింద‌న్నారు. ఇక క‌రెంట్ ఉండ‌ద‌ని, నీళ్లు అంద‌వ‌న్నారు. అస‌లు అభివృద్ది అన్న‌ది క‌నిపించ‌ద‌ని ఎద్దేవా చేశార‌ని, కానీ ఇవాళ యావ‌త్ దేశం తెలంగాణ‌ను చూసి నేర్చుకుంటోంద‌ని చెప్పారు దాసోజు శ్ర‌వ‌ణ్‌.

Also Read : Jayashankar Comment : సారూ మరువం నీ జ్ఞాప‌కం ప‌దిలం