F3 Movie : కాసులు కొల్ల‌గొడుతున్న న‌వ్వుల న‌జ‌రానా
ఎఫ్3 మూవీ మూడో రోజు క‌లెక్ష‌న్స్ అదుర్స్
F3 Movie : నిర్మాత దిల్ రాజు (వెంక‌ట ర‌మ‌ణా రెడ్డి ) నిర్మాణంలో ద‌ర్శ‌కుడు అనిల్ రావిపూడి తెర‌కెక్కించిన ఎఫ్2 సీక్వెల్ ఎఫ్3 మూవీ(F3 Movie) ఊహించ‌ని రీతిలో క‌లెక్ష‌న్లు కొల్ల‌గొడుతోంది. ప్రారంభం నుంచే పాజిటివ్ టాక్ ద‌క్కించుకుంది.
ఇరు తెలుగు రాష్ట్రాలతో పాటు ఓవ‌ర్సీస్ లో సైతం గ‌ల్లా పెట్టెలు నిండుతున్నాయి. మొద‌టి రోజు, రెండో రోజు భారీగా వ‌సూళ్లు వచ్చాయి. ఇక మూడో రోజు సైతం క‌లెక్ష‌న్లతో నిండి పోయాయి.
దీంతో నిర్మాత దిల్ రాజు ఫుల్ జోష్ లో ఉన్నారు. ఇక మూవీ టీం కూడా తెగ ఎంజాయ్ చేస్తున్నారు. చిన్నారుల నుంచి పెద్ద‌ల దాకా ఇంటిల్లిపాది హాయిగా న‌వ్వుకునేలా, మ‌రీ చెప్పాలంటే పడీప‌డి న‌వ్వుకునేలా తీశాడు ద‌ర్శ‌కుడు.
విక్ట‌రీ వెంక‌టేశ్, వ‌రుణ్ తేజ్ , త‌మ‌న్నా, మెహ‌రీన్ తో పాటు సునీల్, ఆలీ, ప్ర‌గ‌తి, ప్ర‌దీప్, పృథ్వీ రాజ్ , రాజేంద్ర ప్ర‌సాద్ , త‌దిత‌రుల న‌ట‌న ఓ రేంజ్ లో ఉండ‌డంతో జ‌నం తెగ ఎంజాయ్ చేస్తున్నారు.
థియేట‌ర్ల‌న్నీ న‌వ్వులతో నిండి పోతున్నాయి. ప్రేక్ష‌కులు, అభిమానులు ఈల‌లు కేక‌ల‌తో హోరెత్తిస్తున్నారు. ఇందులో వ‌రుణ్ తేజ్ కు న‌త్తి ఉండ‌గా వెంక‌టేశ్ బాబుకు రే చీక‌టి ఉండేలా ప్లాన్ చేశాడు.
ద‌ర్శ‌కుడి ఆలోచ‌న వ‌ర్క‌వుట్ అయ్యింది. చాన్నాళ్ల త‌ర్వాత ఎఫ్ 3లో కామెడీ సునీల్ ను మ‌ళ్లీ చూస్తారు. ఈనెల 27న విడుద‌లైంది ఎఫ్3.
మొద‌టి రోజు రూ. 13.65 కోట్లు వ‌సూలు చేయ‌గా రెండో రోజు రూ. 9.85 కోట్లు, ఇక మూడో రోజు క‌లిపి 26 కోట్ల‌కు ద‌గ్గ‌రగానే వ‌సూలు కావ‌డం విశేషం.
Also Read : టాప్ పాప్ స్టార్ గా శ్రేయ లెంక ఎంపిక