IND vs ENG 1St T20 : హార్దిక్ పాండ్యా వ‌న్ మ్యాన్ షో

IND vs ENG 1St T20 : రీ షెడ్యూల్ ఐదో టెస్టులో ఘోర‌మైన ఓట‌మి చ‌వి చూసిన భార‌త జ‌ట్టుకు ఎట్ట‌కేల‌కు ఊరట ల‌భించింది. ఇంగ్లండ్ టూర్ లో భాగంగా సౌతాంప్ట‌న్ వేదిక‌గా జరిగిన టి20(IND vs ENG 1St T20) మ్యాచ్ లో టీమిండియా స‌త్తా చాటింది.

హార్దిక్ పాండ్యా ఆల్ రౌండ‌ర్ ప్ర‌ద‌ర్శ‌న‌తో విజ‌యం సాధించింది. ఏకంగా 50 ప‌రుగుల భారీ తేడాతో షాక్ ఇచ్చింది. అటు బ్యాటింగ్ లోనే కాదు ఇటు బౌలింగ్ లో సైతం అద్భుత‌మైన ప్ర‌ద‌ర్శ‌న‌తో ఆక‌ట్టుకున్నాడు పాండ్యా.

51 ప‌రుగులు చేసిన పాండ్యా 4 వికెట్లు తీసి జ‌ట్టు గెలుపులో కీల‌క పాత్ర పోషించాడు. మొద‌ట బ్యాటింగ్ చేసిన భార‌త జ‌ట్టు నిర్ణీత 20 ఓవ‌ర్ల‌లో 8 వికెట్లు కోల్పోయి 198 ప‌రుగులు చేసింది.

హార్దిక్ పాండ్యా 33 బంతులు ఆడి 6 ఫోర్ల‌తో 51 ర‌న్స్ చేశాడు. ఇక దీప‌క్ హూడా 17 బంతుల్లో 3 ఫోర్లు 2 సిక్స‌ర్ల‌తో 33 ర‌న్స్ తో రాణించాడు.

అంత‌కు ముందు క‌రోనా కార‌ణంగా దూరంగా ఉన్న భార‌త జ‌ట్టు కెప్టెన్ రోహిత్ శ‌ర్మ తిరిగి జ‌ట్టులోకి వ‌చ్చాడు. 14 బంతులు ఆడి 24 ర‌న్స్ చేశాడు.

అనంత‌రం 199 ప‌రుగుల ల‌క్ష్యంతో బ‌రిలోకి దిగిన ఇంగ్లండ్ జ‌ట్టు 19.3 ఓవ‌ర్ల‌లో 148 ప‌రుగుల‌కే చాప చుట్టేసింది. జాస్ బ‌ట్ల‌ర్ భువీ బౌలింగ్ లో డ‌కౌట్ అయ్యాడు. బ్రూక్ 28 , మొయిన్ అలీ 36 ప‌రుగులు చేసినా ఫ‌లితం లేక పోయింది.

ఇంగ్లండ్ ను గ‌ట్టెక్కించ లేక పోయారు. పాండ్యా 4 వికెట్లు తీస్తే అర్ష దీప్ 2 , యుజ్వేంద్ర చాహ‌ల్ 2 వికెట్లు తీశారు. ఇక రెండో టి20 శ‌నివారం జ‌ర‌గ‌నుంది.

Also Read : భార‌త్ భ‌ళా శ్రీ‌లంక విల‌విల