IND vs PAK Ishan Pandya : ఇషాన్ షాన్ దార్ పాండ్యా జోర్దార్

IND vs PAK Ishan Pandya : ఆసియా క‌ప్ 2023 టోర్నీలో భాగంగా శ్రీ‌లంక లోని క్యాండీ వేదిక‌గా జ‌రిగిన కీల‌క పోరు చివ‌ర‌కు ర‌ద్ద‌య్యింది. వ‌ర్షం కార‌ణంగా పాకిస్తాన్ ఆడ‌లేదు. అంత‌కు ముందు బ్యాటింగ్ కు దిగిన భార‌త జ‌ట్టు నిర్ణీత 48.5 ఓవ‌ర్ల‌లో 266 ప‌రుగులు చేసి ఆలౌటైంది.

IND vs PAK Ishan Pandya Game

ఒకానొక ద‌శ‌లో 66 ప‌రుగుల‌కే నాలుగు వికెట్లు కోల్పోయి నానా ఇబ్బందులు ప‌డింది. ఈ స‌మ‌యంలో ముంబై బ్యాట‌ర్లు ఇషాన్ కిష‌న్ , హార్దిక్ పాండ్యా(Hardik Pandya) ఆదుకున్నారు. దాయాది బౌల‌ర్ల‌ను ఉతికి పారేశారు. ఇషాన్ కిష‌న్ 81 బంతులు ఎదుర్కొని 9 ఫోర్లు 2 సిక్స‌ర్ల‌తో రెచ్చి పోయాడు. 82 ర‌న్స్ చేశాడు.

ఇక జ‌ట్టు వైస్ కెప్టెన్ హార్దిక్ పాండ్యా త‌న‌దైన శైలిలో విరుచుకు ప‌డ్డాడు. 90 బంతులు ఎదుర్కొని 7 ఫోర్లు ఒక సిక్స‌ర్ తో 87 ర‌న్స్ చేశారు. వీరిద్ద‌రూ సెంచ‌రీకి చేరువ‌లో వ‌చ్చి అద్భుత‌మైన బంతుల‌కు వికెట్ల‌ను పారేసుకున్నారు.

కెప్టెన్ రోహిత్ శ‌ర్మ 11 ర‌న్స్ కే చాప చుట్టేస్తే , విరాట్ కోహ్లీ 4 ప‌రుగుల‌తో నిరాశ ప‌రిచాడు. శ్రేయ‌స్ అయ్య‌ర్ 14, శుభ్ మ‌న్ గిల్ 10, ర‌వీంద్ర జ‌డేజా 14 ప‌రుగులకే ప‌రిమితం అయ్యారు. ఇక పాకిస్తాన్ బౌల‌ర్ల‌లో షాహీన్ షా అఫ్రిదీ 4 వికెట్లు తీశాడు. న‌సీమ్ షా , హ‌రీస్ రవూఫ్ చెరో మూడు వికెట్లు తీశారు. మొత్తంగా మ్యాచ్ ర‌ద్దు కావడంతో క్రికెట్ ఫ్యాన్స్ తీవ్ర నిరాశ‌కు లోన‌య్యారు.

Also Read : IND vs PAK Asia Cup 2023 : దాయాదుల పోరు వ‌ర్షార్ఫ‌ణం