Karnataka Guest List : ప్ర‌మాణ స్వీకారం అతిథుల‌కు ఆహ్వానం

Karnataka Guest List :క‌ర్ణాట‌క‌లో భారీ మెజారిటీ సాధించిన కాంగ్రెస్ పార్టీ ప్ర‌భుత్వం ఏర్పాటు చేయ‌నుంది. ఈ మేర‌కు ఇప్ప‌టికే సీఎంగా సిద్ద‌రామ‌య్య‌, డిప్యూటీ సీఎంగా డీకే శివ‌కుమార్ ప్ర‌మాణ స్వీకారం చేయ‌నున్నారు. ఏర్పాట్లు జ‌రుగుతున్నాయి. బెంగ‌ళూరులోని కంఠీరవ స్టేడియంలో ఈ కార్య‌క్ర‌మం జ‌ర‌గ‌నుంది. రాష్ట్ర వ్యాప్తంగా ఎంతో ఉత్కంఠ‌తో ఎదురు చూస్తున్నా ఈ ఉత్స‌వానికి ప్ర‌తి ఒక్క‌రు త‌ర‌లి రావాల‌ని పిలుపునిచ్చారు క‌ర్ణాట‌క పీసీసీ చీఫ్ డీకే శివ‌కుమార్.

ఇక ముఖ్య అతిథులుగా జాబితా(Karnataka Guest List) కూడా సిద్దం చేసిన‌ట్లు స‌మాచారం. వారిలో బీఆర్ఎస్ చీఫ్‌, తెలంగాణ సీఎం కేసీఆర్ , ఆప్ చీఫ్ , ఢిల్లీ సీఎం అర‌వింద్ కేజ్రీవాల్ కు ఆహ్వానం అంద‌లేదు. ఇక స్పెషల్ ఇన్వైటీస్ గా ఎన్సీపీ చీఫ్ శ‌ర‌ద్ ప‌వార్ , త‌మిళ‌నాడు సీఎం ఎంకే స్టాలిన్ , బీహార్ సీఎం నితీశ్ కుమార్, డిప్యూటీ సీఎం తేజ‌స్వి యాద‌వ్, మ‌రాఠా మాజీ సీఎం ఉద్ద‌వ్ ఠాక్రే ఉన్నారు. వీరితో పాటు జార్ఖండ్ సీఎం హేమంత్ సోరేన్ , జ‌మ్మూ కాశ్మీర్ మాజీ సీఎం మెహ‌బూబా ముఫ్తీ, డి రాజా, సీతారాం ఏచూరి, న‌టుడు క‌మ‌ల్ హాస‌న్ కు ఆహ్వానం అందుకున్న వారిలో ఉన్నారు. వీరితో పాటు కాంగ్రెస్ సీఎంలు గెహ్లాట్ , భూపేష్ బ‌ఘేల్ , సుఖ్ వింద‌ర్ సింగ్ ల‌ను ఆహ్వానించారు.

ఇప్ప‌టి దాకా విశ్వ‌స‌నీయ వ‌ర్గాల నుంచి అందిన స‌మాచారం మేర‌కు ప‌శ్చిమ బెంగాల్ సీఎం మ‌మ‌తా బెన‌ర్జీని కూడా ఆహ్వానించారు. ముంద‌స్తు ప్రోగ్రాం కార‌ణంగా ఆమె రావ‌డం లేదు. అతిథి జాబితాలో కేర‌ళ సీఎం విజ‌య‌న్ , ఏపీ సీఎం జ‌గ‌న్ , బీఎస్పీ చీఫ్ మాయావ‌తి లేర‌ని స‌మాచారం.

Also Read : Sundar Pichai Sold House