KT Ramarao: సీఎం రేవంత్‌ పక్కనే మానవ బాంబులు ఉన్నాయి – మాజీ మంత్రి కేటీఆర్‌

KT Ramarao: పాలమూరు సభలో సీఎం రేవంత్ రెడ్డి చేసిన వ్యాఖ్యలపై మాజీ మంత్రి, బీఆర్ఎస్ వర్కింగ్ ప్రెసిడెంట్ కల్వకుంట్ల తారక రామారావు (కేటీఆర్) మండిపడ్డారు. సీఎం హోదాలో రేవంత్ రెడ్డి ఉపయోగించిన భాష నాకైతే అర్ధం కాలేదు అన్నారు. కరీంనగర్‌ లో నిర్వహించిన కదనభేరి సన్నాహాక సమావేశంలో ఆయన పాల్గొన్నారు. ఈ సందర్భంగా కేటీఆర్(KTR) మాట్లాడుతూ… ఓ సీఎంగా గొంతు కోస్తా… మానవ బాంబై పేతులా అని అనడం దారుణమన్నారు. రేవంత్ చుట్టూ మానవ బాంబులు ఉన్నాయని… అవే ఆయనను కూల్చుతాయన్నారు. ఖమ్మం, నల్గొండ బాంబులు రేవంత్ ను ఏమైనా చెయ్యెచ్చు అన్నారు. సీఎంగా రేవంత్ రెడ్డి ఐదేళ్ళ పాటు నిక్షేపంగా ఉంటే… అతని పాలన చూసాక ఎవరు గొప్పవాళ్ళో ప్రజలు తెలుసుకుంటారన్నారు. సీఎం రేవంత్ కాలం తెచ్చిన కరువు అని అంటున్నారని… అయితే ఇది కాలం తెచ్చిన కరువు కాదని.. కాంగ్రెస్ తెచ్చిన కరువన్నారు. కేసీఆర్ ను బద్నాం చేయడానికి మేడిగడ్డకు రిపేర్ చేయడం లేదని ఆరోపించారు.

KT Ramarao Comments on CM

ఈ సందర్భంగా మాట్లాడుతూ బీఆర్ఎస్ అధినేత కేసీఆర్ కు కరీంనగర్ అంటే సెంటిమెంట్ అని… ఇక్కడి నుంచే ఎన్నో పోరాటాలకు శ్రీకారం చుట్టారని అన్నారు. అనాడు ఆంధ్ర పాలకులకు వ్యతిరేకంగా ఇక్కడ నుంచే జంగ్ సైరన్ మ్రోగించారని గుర్తు చేసారు. ఇప్పుడు అబద్దాల సీఎం రేవంత్ రెడ్డి పాలనకు వ్యతిరేకంగా పోరాటం చేయాల్సిన అవసరం ఉందన్నారు. పదేళ్లు మోదీ ప్రధానిగా… ఐదేళ్లు బండి సంజయ్ ఎంపీగా ఉన్నారు. కరీంగనగర్‌కు మీరేం చేశారో… అంతకుముందు వినోద్ కుమార్ ఏం చేశారో తేల్చుకునేందుకు బహిరంగ చర్చకు సిద్ధమా ?’’ అంటూ బీజేపీ నాయకులకు కేటీఆర్ సవాల్‌ విసిరారు.

Also Read : TDP-Janasena : ఢిల్లీకి పయనమైన ఏపీ విపక్ష నేతలు చంద్రబాబు, పవన్ కళ్యాణ్