Manmohan Singh : ఊమెన్ చాందీ మాస్ లీడ‌ర్
ఆయ‌న లేక పోవ‌డం బాధాక‌రం
Manmohan Singh : భార‌త దేశ మాజీ ప్ర‌ధాన‌మంత్రి డాక్ట‌ర్ మన్మోహన్ సింగ్ కేర‌ళ మాజీ సీఎం ఊమెన్ చాందీ మృతి ప‌ట్ల తీవ్ర ఆవేద‌న వ్య‌క్తం చేశారు. ఆయ‌న ఆత్మ‌కు శాంతి క‌లుగాల‌ని కోరారు. ఈ మేర‌కు బుధ‌వారం కీల‌క ప్ర‌క‌ట‌న చేశారు మన్మోహన్ సింగ్.
కేర‌ళ రాష్ట్ర రాజ‌కీయాల‌లో అజాత శ‌త్రువుగా గుర్తింపు పొంద‌డం మామూలు విష‌యం కాద‌న్నారు. త‌న జీవిత‌మంతా ప్ర‌జ‌ల కోసం ప‌ని చేసిన గొప్ప నాయ‌కుడు అంటూ కితాబు ఇచ్చారు మాజీ పీఎం(Manmohan Singh). జాతీయ కాంగ్రెస్ పార్టీకి, కేర‌ళ రాష్ట్రానికి చేసిన కృషి గురించి ఎంత చెప్పినా త‌క్కువేన‌ని పేర్కొన్నారు.
Manmohan Singh Words
తాను పీఎంగా ఉన్న స‌మ‌యంలో ప‌లుమార్లు క‌లిశాడ‌ని, కానీ సింప్లిసిటీకి ఎక్కువ‌గా ప్ర‌యారిటీ ఇవ్వ‌డం త‌న‌ను విస్తు పోయేలా చేసింద‌న్నారు మన్మోహన్ సింగ్ .
మాస్ లీడ‌ర్ గా ఎల్ల‌ప్ప‌టికీ గుర్తుండి పోతార‌ని స్ప‌ష్టం చేశారు మాజీ ప్ర‌ధాన మంత్రి. ఎప్ప‌డు వ‌చ్చినా పూర్తి స‌మాచారంతో వ‌చ్చే వార‌ని, ఆయ‌న‌కు త‌న ప్రాంతం ప‌ట్ల ఉన్న ప్రేమ , అవ‌గాహ‌న , నిబ‌ద్ద‌త‌త త‌న‌ను ఆశ్చ‌ర్య పోయేలా చేసింద‌ని పేర్కొన్నారు డాక్ట‌ర్ మన్మోహన్ సింగ్.
Also Read : Uddhav Thackeray : మోదీ నియంతృత్వం ఇక చెల్ల‌దు