Mithali Raj : సిరాజ్ సూప‌ర్ – మిథాలీ రాజ్
భార‌త జ‌ట్టుకు అభినంద‌న
Mithali Raj : హైద‌రాబాద్ – భార‌త మ‌హిళా క్రికెట్ జ‌ట్టు మాజీ స్కిప్ప‌ర్ మిథాలీ రాజ్ ఆస‌క్తిక‌ర వ్యాఖ్య‌లు చేశారు. సోమ‌వారం ట్విట్ట‌ర్ వేదిక‌గా స్పందించారు. శ్రీ‌లంక‌లో భార‌త జ‌ట్టు ఆసియా క‌ప్ ను కైవ‌సం చేసుకుంది. ఫైన‌ల్ మ్యాచ్ లో హైద‌రాబాద్ కు చెందిన స్టార్ పేస‌ర్ మ‌హ్మ‌ద్ సిరాజ్ అద్భుతమైన ప్ర‌ద‌ర్శ‌న‌తో ఆక‌ట్టుకున్నాడు.
Mithali Raj Praises Siraj
కేవ‌లం 12 ప‌రుగులు మాత్ర‌మే ఇచ్చిన సిరాజ్ భాయ్ 6 వికెట్లు తీసి విస్తు పోయేలా చేశాడు. శ్రీ‌లంక ప‌త‌నాన్ని శాసించాడు. దీంతో రోహిత్ సేన ఆసియా క‌ప్ విజేత‌గా నిలిచింది. భార‌త జ‌ట్టు గ్రాండ్ విక్ట‌రీని న‌మోదు చేయడం, సిరాజ్ కీల‌క పాత్ర పోషించాడ‌న్ని ప్ర‌త్యేకంగా అభినందించారు స్టార్ క్రికెట‌ర్ మిథాలీ రాజ్.
రాబోయే రోజుల్లో భార‌త జ‌ట్టు మ‌రిన్ని విజ‌యాలు సాధించాల‌ని ఆమె కోరారు. టోర్నీలో ఆరు జ‌ట్లు పాల్గొన్నా చివ‌ర‌కు క‌లిసిక‌ట్టుగా అత్యుత్త‌మ ప్ర‌ద‌ర్శ‌న‌తో టీమిండియా ఆక‌ట్టుకుంద‌ని కితాబు ఇచ్చారు మాజీ కెప్టెన్.
ఇదిలా ఉండ‌గా మిథాలీ రాజ్(Mithali Raj) తో పాటు భార‌త దేశ ప్ర‌ధాన మంత్రి న‌రేంద్ర మోదీతో పాటు మాజీ క్రికెట‌ర్లు , వ్యాపార‌వేత్త‌లు సైతం భార‌త జ‌ట్టు ఆసియా క‌ప్ ను గెల్చు కోవ‌డాన్ని ప్ర‌శంస‌ల‌తో ముంచెత్తారు.
Also Read : TDP MP’s Protest : బాబు అరెస్ట్ పై ఎంపీల నిర‌స‌న