Muttireddy Yadagiri Reddy : ముత్తిరెడ్డి అర్ద‌న‌గ్న‌ ప్ర‌ద‌ర్శ‌న‌

Muttireddy Yadagiri Reddy : తెలంగాణ బీఆర్ఎస్ లో టికెట్ల వ్య‌వ‌హారం తీవ్ర దుమారం రేపుతోంది. పార్టీ బాస్, సీఎం కేసీఆర్ 119 సీట్ల‌కు గాను 115 సీట్ల‌కు అభ్య‌ర్థుల‌ను ప్ర‌క‌టించారు. 7 మంది సిట్టింగ్ ల‌కు టికెట్లు నిరాక‌రించారు. దీంతో కొంద‌రు బ‌హిరంగంగా తీవ్ర ఆగ్ర‌హం వ్య‌క్తం చేశారు.

Muttireddy Yadagiri Reddy Viral

తాజాగా జ‌న‌గామ బీఆర్ఎస్ పార్టీలో లొల్లి ముదిరింది. ఎమ్మెల్సీ ప‌ల్లా రాజేశ్వ‌ర్ రెడ్డికి వ్య‌తిరేకంగా ఎమ్మెల్యే ముత్తిరెడ్డి యాద‌గిరి రెడ్డి అర్ద న‌గ్న ప్ర‌ద‌ర్శ‌న చేప‌ట్టారు. జన‌గామ చౌర‌స్తాలో బీఆర్ఎస్ పార్టీ కార్య‌క‌ర్త‌లు ఆందోళ‌న‌కు దిగారు. వారికి ముత్తిరెడ్డి యాదగిరి రెడ్డి(Muttireddy Yadagiri Reddy) సంఘీభావం ప్ర‌క‌టించారు. ప‌ల్లా రాజేశ్వ‌ర్ రెడ్డి కావాల‌ని ద‌ళితుల‌పై కేసు పెట్టించారంటూ ఆరోపించారు.

ద‌ళిత ద్రోహి ప‌ల్లా రాజేశ్వ‌ర్ రెడ్డి గో బ్యాక్ అంటూ నినాదాలు చేశారు ముత్తిరెడ్డి యాద‌గిరి రెడ్డి. అంతే కాదు తాను వేసుకున్న అంగీని తీసేశారు. ఆపై రోడ్డుపై నిర‌స‌న తెలిపారు. మ‌రో వైపు ఆలంపూర్ నియోజ‌క‌వ‌ర్గంలో స్థానిక ఎమ్మెల్యే అబ్ర‌హంకు వ్య‌తిరేకంగా మ‌రో వ‌ర్గం నిర‌న‌సకు దిగింది. ఆయ‌న‌కు బి ఫామ్ ఇస్తే ఊరుకోమంటూ హెచ్చ‌రించింది.

వికారాబాద్ లో సైతం ఇదే ప‌రిస్థితి నెల‌కొంది. మొత్తంగా ముంద‌స్తు టికెట్ల ప్ర‌క‌ట‌న వ్య‌వ‌హారం బీఆర్ఎస్ పార్టీకి త‌ల‌నొప్పిగా మారింది.

Also Read : Ponguleti Srinivas Reddy : తుమ్మ‌లతో పొంగులేటి భేటీ