Nadendla Manohar : స‌మ‌న్వ‌య క‌మిటీ చైర్మ‌న్ గా నాదెండ్ల
ప్ర‌క‌టించిన జనసేన పార్టీ చీఫ్ ప‌వ‌న్ క‌ళ్యాణ్
Nadendla Manohar : మంగ‌ళ‌గిరి – జనసేన పార్టీ చీఫ్ ప‌వ‌న్ క‌ళ్యాణ్ సంచ‌ల‌న ప్ర‌క‌ట‌న చేశారు. తెలుగుదేశం పార్టీతో జనసేన పార్టీ స‌మ‌న్వ‌య‌క‌ర్త‌గా పీఏసీ చైర్మ‌న్ నాదెండ్ల మ‌నోహ‌ర్(Nadendla Manohar) ను నియ‌మించిన‌ట్లు స్ప‌ష్టం చేశారు జనసేన చీఫ్.
పార్టీ విస్తృత స్థాయి స‌మావేశంలో ఈ ప్ర‌క‌ట‌న చేశారు. రాష్ట్రంలో త్వ‌ర‌లో జ‌ర‌గ‌బోయే శాస‌న‌స‌భ ఎన్నిక‌ల్లో తెలుగుదేశం, జనసేన క‌లిసి ప‌ని చేస్తాయ‌ని మ‌రోసారి పేర్కొన్నారు. రాష్ట్రానికి మంచి రోజులు రాబోతున్నాయ‌ని అన్నారు.
Nadendla Manohar As TDP Janasena Coordinator
టీడీపీ, జనసేన పార్టీల సంయుక్త ఆధ్వ‌ర్యంలో ప్ర‌భుత్వం ఏర్పాటు చేయ‌డం ఖాయ‌మ‌ని జోష్యం చెప్పారు ప‌వ‌న్ క‌ళ్యాణ్. ప‌వ‌ర్ షేరింగ్ ఎలా అనేది త‌న‌కు వ‌దిలి వేయాల‌ని, మ‌న‌మంతా క‌లిసిక‌ట్టుగా పోరాటం చేయాల్సిన అవ‌స‌రం ఉంద‌న్నారు.
2009లో క‌ల‌లు క‌న్న క‌ల‌ను 2024లో మ‌నం సాకారం చేయాల‌ని అందుకు మీరంతా క‌ష్ట‌ప‌డి ప‌ని చేయాల‌ని పిలుపునిచ్చారు ప‌వ‌న్ క‌ళ్యాణ్. వైసీపీ స‌ర్కార్ ఉండేది కేవ‌లం ఆరు నెల‌లు మాత్ర‌మేన‌ని పేర్కొన్నారు. ఇరు పార్టీల మ‌ధ్య నాదెండ్ల మ‌నోహ‌ర్ కీల‌క‌మైన పాత్ర పోషిస్తార‌ని స్ప‌ష్టం చేశారు ప‌వ‌న్ క‌ళ్యాణ్.
ప్ర‌స్తుతం నాదెండ్ల మ‌నోహ‌ర్ ప‌వ‌న్ క‌ళ్యాణ్ కు, జనసేన పార్టీకి అన్నీ తానై వ్య‌వ‌హ‌రిస్తున్నారు. పార్టీలో సెంట‌ర్ ఆఫ్ అట్రాక్ష‌న్ గా ఉన్నారు. గ‌తంలో ఉమ్మ‌డి ఏపీ రాష్ట్రానికి స్పీక‌ర్ గా ప‌ని చేశారు. నాదెండ్ల భాస్క‌ర్ రావు త‌న‌యుడే ఈ మ‌నోహ‌ర్.
Also Read : Pawan Kalyan : జ‌గ‌న్ ను త‌రిమి కొడ‌దాం – ప‌వ‌న్