Nara Lokesh : జ‌గ‌న్..ఏపీకి పరిశ్రమలు ఏవీ – లోకేష్
ప్ర‌జా స‌మ‌స్య‌లు గాలికి వ‌దిలేశాడు
Nara Lokesh : జ‌నం స‌మ‌స్య‌ల‌ను గాలికి వ‌దిలి వేసిన ఏపీ సీఎం జ‌గ‌న్ రెడ్డికి రాబోయే ఎన్నిక‌ల్లో త‌గిన రీతిలో బుద్ది చెప్పాల‌ని పిలుపునిచ్చారు టీడీపీ ప్ర‌ధాన కార్య‌ద‌ర్శి నారా లోకేష్. యువ గ‌ళం పాద‌యాత్ర‌లో భాగంగా ఆయ‌న‌కు ఘ‌న స్వాగ‌తం ల‌భించింది. అన్ని వ‌ర్గాల నుంచి ఆద‌ర‌ణ ద‌క్క‌డంతో లోకేష్ మ‌రింత జోష్ పెంచారు. మాట‌ల తూటాలు పేల్చుతున్నారు. ఓ వైపు ప్ర‌జ‌లు తీవ్ర ఇబ్బందుల్లో ఉంటే సంక్షేమ ప‌థ‌కాల పేరుతో దాట‌వేత ధోర‌ణి అవలంభిస్తున్నారంటూ మండిప‌డ్డారు నారా లోకేష్.
గ‌త ఎన్నిక‌ల్లో తెలిసో తెలియ‌కో జ‌గ‌న్ రెడ్డికి ఓటు వేశార‌ని ఇప్పుడు క‌ష్టాలు అనుభ‌విస్తున్నార‌ని గుర్తు చేశారు. ఇక‌నైనా ఆచి తూచి అడుగు వేయాల‌ని, విలువైన ఓట‌ను క‌ష్ట‌ప‌డి ప్ర‌జ‌ల కోసం ప‌ని చేసే తెలుగుదేశం పార్టీకి వేయాల‌ని కోరారు. విజ‌న్ లేని సీఎం వ‌ల్ల ఏపీకి తీర‌ని న‌ష్టం క‌లుగుతోంద‌న్నారు. ఏపీలో కొలువు తీరిన జ‌గ‌న్ రెడ్డి రాష్ట్రానికి ఎన్ని పరిశ్రమలు తీసుకు వ‌చ్చాడో ప్ర‌జ‌ల‌కు చెప్పాల‌ని డిమాండ్ చేశారు నారా లోకేష్(Nara Lokesh).
. తాము ఏర్పాటు చేసినవి త‌ప్ప ఒక్క‌టి కూడా కొత్త‌ది రాలేదన్నారు. వైసీపీ నేత‌ల ఆగ‌డాలు మ‌రీ ఎక్కువై పోయాయ‌ని, తాము వ‌చ్చాక తాట తీస్తామ‌ని హెచ్చ‌రించారు. త‌న‌ను ధైర్యంగా ఎదుర్కోలేకే త‌న‌పై గుడ్లు వేయించారంటూ మండిప‌డ్డారు. నీతి మాలిన రాజ‌కీయాలు వైసీపీ వారు మాత్ర‌మే చేస్తార‌ని ధ్వ‌జ‌మెత్తారు.
Also Read : Pawan Kalyan : ‘ద్వారంపూడి’ ఓ రౌడీ – ప‌వ‌న్ క‌ళ్యాణ్