Nara Lokesh : బాబు ప‌వ‌న్ జోడి బ్లాక్ బ‌స్ట‌ర్
స్ప‌ష్టం చేసిన నారా లోకేష్
Nara Lokesh : తుని – తెలుగుదేశం పార్టీ జాతీయ ప్ర‌ధాన కార్య‌ద‌ర్శి నారా లోకేష్(Nara Lokesh) సంచ‌ల‌న కామెంట్స్ చేశారు. టీడీపీ చీఫ్ చంద్ర‌బాబు నాయుడు , జ‌న‌సేన పార్టీ చీఫ్ ప‌వ‌న్ క‌ళ్యాణ్ ల కాంబినేష‌న్ అద్భుతంగా ఉండ‌బోతోంద‌న్నారు. ఇందులో ఎలాంటి అనుమానం అక్క‌ర్లేద‌న్నారు. యువ గ‌ళం రెండో విడ‌త పాద‌యాత్ర ప్ర‌స్తుతం ఏపీలో కొన‌సాగుతోంది. ఈ సంద‌ర్బంగా మీడియాతో మాట్లాడారు.
Nara Lokesh Comment
తుపాను ప్ర‌భావిత ప్రాంతాల‌లో రైతుల‌ను ఆదుకున్న పాపాన పోలేద‌ని ఆరోపించారు. జ‌గ‌న్ రెడ్డి కాపుల‌ను న‌మ్మించి ద్రోహం చేశాడ‌ని పేర్కొన్నారు. కాపుల‌ను పేద‌రికం నుంచి బ‌య‌ట ప‌డేలా చేస్తామ‌న్నారు. కాకినాడ సెజ్ లో కాలుష్యం లేని ప‌రిశ్ర‌మ‌ల‌ను ఏర్పాటు చేస్తామ‌ని స్ప‌ష్టం చేశారు నారా లోకేష్.
అంత‌కు ముందు ఎస్ అన్న‌వ‌రం సాయి వేదిక వ‌ద్ద కాపు సామాజిక‌వ‌ర్గం ప్ర‌తినిధుల‌తో ముఖాముఖి స‌మావేశంలో పాల్గొన్నారు. వారికి పూర్తి భ‌రోసా ఇచ్చే ప్ర‌య‌త్నం చేశారు. స్థానిక ఎమ్మెల్యేతో కుమ్మ‌కై అవినీతికి పాల్ప‌డిన అధికారుల‌ను వ‌దిలి పెట్టే ప్ర‌స‌క్తి లేద‌ని హెచ్చ‌రించారు. తాము ప‌వ‌ర్ లోకి వ‌చ్చాక లిస్టు త‌యారు చేసి వారిని ఉద్యోగాల నుంచి తొల‌గిస్తామ‌ని అన్నారు.
రాబోయే ఎన్నిక‌ల్లో తెలుగుదేశం, జ‌న‌సేన పార్టీ అధికారంలోకి రాబోతోంద‌ని జోష్యం చెప్పారు. జ‌గ‌న్ ఇక ఇంటికి వెళ్ల‌డం ఖాయ‌మ‌ని పేర్కొన్నారు.
Also Read : AP CM YS Jagan : జ‌గ‌న్ సంచ‌ల‌న నిర్ణ‌యం