P Chidambaram : ప్ర‌ధానిగా దేశానికి మోదీ చేసిందేమీ లేదు
కేంద్ర మాజీ మంత్రి పి.చిదంబ‌రం ఫైర్
P Chidambaram : కేంద్ర మాజీ మంత్రి, కాంగ్రెస్ ఎంపీ పి. చిదంబ‌రం(P Chidambaram) ఆస‌క్తిక‌ర వ్యాఖ్య‌లు చేశారు. ఆయ‌న మ‌రోసారి ప్ర‌ధాన మంత్రి న‌రేంద్ర మోదీపై ఆగ్ర‌హం వ్య‌క్తం చేశారు. ప్ర‌ధాని కొత్త‌గా దేశానికి చేసిందేమీ లేదన్నారు.
మంగ‌ళ‌వారం ఆయ‌న మీడియాతో మాట్లాడారు. గ‌త ప్ర‌భుత్వాలు అనుస‌రించిన ప‌ద్ద‌తులు, చేప‌ట్టిన ప‌నుల్నే చేస్తున్నాడంటూ సంచ‌ల‌న ఆరోప‌ణ‌లు చేశారు.
భార‌త దేశంలో ఇంకా చేయాల్సిన ప‌నులు చాలా ఉన్నాయ‌ని పేర్కొన్నారు. 2014 నాటికి ఈ దేశంలో సాధించిన అద్భుత‌మైన విజ‌యాల గురించి మోదీ మ‌రిచి పోయిన‌ట్లుంద‌ని ఎద్దేవా చేశారు.
తమ పార్టీ ఆధ్వ‌ర్యంలో చేప‌ట్టిన సంక్షేమ కార్య‌క్ర‌మాలు గుర్తించ‌క పోవ‌డం దారుణ‌మ‌న్నారు. అయితే తమ కాంగ్రెస్ ప్ర‌భుత్వ హ‌యాంలో చేసిన ప‌నుల్ని కొన‌సాగిస్తున్నారే త‌ప్ప కొత్త‌గా చేసింది దేశానికి ఏమీ లేద‌ని ఆరోపించారు పి. చిదంబ‌రం(P Chidambaram).
అన్ని గ్రామాల‌కు క‌రెంట్ వ‌చ్చింద‌ని ప్ర‌ధాని మోదీ ప్ర‌క‌టించిన రోజే ఎన్డీయే రాష్ట్ర‌ప‌తి అభ్య‌ర్థి ద్రౌప‌ది ముర్ము స్వంత గ్రామంలోని కుగ్రామ‌గానికి విద్యుత్ స‌ర‌ఫరా చేసేందుకు చ‌ర్య‌లు తీసుకున్న‌ట్లు వార్త‌లు వ‌చ్చాయ‌ని ఇదేనా మీరు సాధించిన ప్రగ‌తి అంటూ ఎంపీ ప్ర‌శ్నించారు.
ఇదొక్క‌టే క‌రెంట్ లేని గ్రామం కాదు. భార‌త దేశంలోని అనేక మారుమూల ప్రాంతాలు, గ్రామాల‌కు ఇంకా విద్యుత్ అన్న‌ది లేద‌ని ఆవేద‌న వ్య‌క్తం చేశారు పి. చిదంబ‌రం.
అబ‌ద్దాలు చెప్ప‌డంలో మోదీని మించిన వారు లేర‌న్నారు. గ‌త ప్ర‌భుత్వాలు చేసిన ప‌నుల్ని , కార్య‌క్ర‌మాల‌ను, తీసుకు వ‌చ్చిన సంక్షేమ ప‌థకాల గురించి ప్ర‌స్తావించ‌క పోవ‌డం విడ్డూరంగా ఉంద‌న్నారు.
Also Read : మ‌హ్మ‌ద్ జుబైర్ అరెస్ట్ పై మ‌హూవా ఫైర్