Palle Ravi Kumar Goud : ప‌ద‌వుల పందేరం ‘ప‌ల్లె’కు గౌర‌వం

Palle Ravi Kumar Goud : ఎట్ట‌కేల‌కు సీనియ‌ర్ జ‌ర్న‌లిస్ట్ ప‌ల్లె ర‌వికుమార్ గౌడ్ కు(Palle Ravi Kumar Goud) ప‌ద‌వి ద‌క్కింది. మునుగోడు ఎన్నిక‌ల సంద‌ర్భంగా గులాబీ తీర్థం పుచ్చుకున్నారు. గ‌తంలో ఆయ‌న తెలంగాణ ఉద్య‌మంలో పాల్గొన్నారు. తాజాగా తెలంగాణ గీత కార్మిక స‌హ‌కార సంస్థ కార్పొరేషన్ చైర్మ‌న్ ప‌ద‌వి ద‌క్కింది. ఈ మేర‌కు భార‌త రాష్ట్ర స‌మితి చీఫ్ , తెలంగాణ ముఖ్య‌మంత్రి క‌ల్వ‌కుంట్ల చంద్ర‌శేఖ‌ర్ రావు ప‌ల్లెకు ప‌ట్టం క‌ట్టారు. ప్ర‌భుత్వం ఆదేశాలు జారీ చేసింది. ప‌ల్లె ర‌వికుమార్ గౌడ్ కు రాష్ట్ర స్థాయి ప‌ద‌వి ద‌క్క‌డం ప‌ట్ల పాత్రికేయులు ఆనందం వ్య‌క్తం చేస్తున్నారు.

ఆయ‌న నియామ‌కానికి సంబంధించి రాష్ట్ర ప్ర‌భుత్వ ప్ర‌ధాన కార్య‌ద‌ర్శి శాంతి కుమారి ఉత్తర్వులు జారీ చేశారు. ప‌ల్లె ర‌వి కుమార్ గౌడ్ స్వ‌స్థ‌లం న‌ల్ల‌గొండ జిల్లా మునుగోడు నియోజ‌క‌వ‌ర్గం చండూరు మండ‌లం బొడంగిప‌ర్తి . తండ్రి ప‌ల్లె లింగ‌య్య మాజీ స‌ర్పంచ్. ప‌ల్లె ర‌వికుమార్ గౌడ్ స‌తీమ‌ణి ప‌ల్లె క‌ళ్యాణి గౌడ్ ప్ర‌స్తుతం చండూరు మండ‌లానికి ఎంపీపీగా ఉన్నారు.

ప‌ల్లె వామ‌ప‌క్ష కుటుంబ నేప‌థ్యం నుంచి వ‌చ్చారు. ప్ర‌జా స‌మ‌స్య‌ల‌పై ముందు నుంచి పోరాడారు. 1996లో జ‌ర్న‌లిస్ట్ గా కెరీర్ స్టార్ట్ చేశారు. ఆంధ్ర‌జ్యోతి, వార్త దిన‌ప‌త్రిక‌ల్లో ప‌ని చేశారు. ఆ త‌ర్వాత తెలంగాణ ఉద్య‌మ ఆకాంక్ష‌కు అనుగుణంగా త‌న కలాన్ని, గ‌ళాన్ని వినిపిస్తూ వ‌చ్చారు. మ‌లిద‌శ తెలంగాణ ఉద్య‌మంలో కీల‌క పాత్ర పోషించారు ప‌ల్లె ర‌వి కుమార్ గౌడ్(Palle Ravi Kumar Goud).

Also Read : మీ బిడ్డ‌లైతే ఇలాగే చేస్తారా – శ్రీ‌నివాస్ గౌడ్