Paris Olympics 2024 : పారిస్ ఒలింపిక్స్ లో మరోసారి తన సత్తా చాటిన పీవీ సింధు

Paris Olympics 2024 : పారిస్ ఒలింపిక్స్‌లో భారత క్రీడాకారులు సత్తా చాటుతున్నారు. ముఖ్యంగా బ్యాడ్మింటన్‌లో భారత్ ఆటగాళ్లు అద్భుత ప్రదర్శన కనబరుస్తున్నారు. పురుషుల డబుల్స్‌లో వరుసగా ఆడిన రెండు మ్యాచ్‌లు గెలవగా.. తాజాగా తెలుగుతేజం బ్యాడ్మింటన్ స్టార్ క్రీడాకారిణి పీవీ సింధు సైతం గ్రూప్ ఎంలో వరుసగా రెండో లీగ్‌ మ్యాచ్‌లో విజయం సాధించింది. దీంతో సింధు ప్రీక్వార్టర్స్‌కు చేరుకుంది.

Paris Olympics 2024….

గత టోక్యో ఒలింపిక్స్‌లో కాంస్య పతకం సాధించిన సింధు.. ఈసారి బంగారు పతకంపై గురిపెట్టింది. మాల్దీవులపై మొదటి లీగ్ మ్యాచ్‌లో సునాయసంగా గెలిచిన సింధు.. తన రెండో మ్యాచ్‌లోనూ ఎస్తోనియాకు చెందిన కుబా క్రిస్టిన్‌పై ఈజీగా విజయం సాధించింది. 21-5, 21-10 తేడాతో వరుస రెండు సెట్లను పీవీ సింధు గెలుచుకుంది.

Also Read : UPSC Chairman : యూపీఎస్సీ నయా చైర్మన్ గా ప్రీతి సుడాన్ ఎన్నిక..