Pawan Kalyan : హ‌స్తిన‌లో జ‌నసేనాని బిజీ బిజీ

Pawan Kalyan Delhi : జ‌న సేన పార్టీ చీఫ్ ప‌వ‌న్ క‌ళ్యాణ్ దేశ రాజ‌ధాని ఢిల్లీకి చేరుకున్నారు. ఏపీలో రోజు రోజుకు రాజ‌కీయ ప‌రిణామాలు వేగంగా మారి పోతున్నాయి. ఈ త‌రుణంలో కేంద్రంలో కొలువు తీరిన భార‌తీయ జ‌న‌తా పార్టీ ప్ర‌భుత్వంతో ఆయ‌న స‌త్ సంబంధాలు కొన‌సాగిస్తూ వ‌స్తున్నారు. ప‌వ‌న్ క‌ళ్యాణ్ తో(Pawan Kalyan Delhi)  పాటు జ‌న‌సేన పార్టీ రాజ‌కీయ వ్య‌వ‌హారాల క‌మిటీ చైర్మ‌న్ నాదెండ్ల మ‌నోహ‌ర్ కూడా ఉన్నారు. అంత‌కు ముందు ప‌వ‌న్ క‌ళ్యాణ్ రాజ‌స్థాన్ లోని ఉద‌య్ పూర్ కు వెళ్లారు. ఇవాళ ఢిల్లీకి చేరుకున్నారు.

ఈ త‌రుణంలో ప‌వ‌ర్ స్టార్ హ‌స్తిన టూర్ పై ఉత్కంఠ నెల‌కొంది. త‌న ప‌ర్య‌ట‌న‌లో భాగంగా బీజేపీ జాతీయ అధ్య‌క్షుడు జేపీ న‌డ్డాతో పాటు ట్రబుల్ షూట‌ర్ గా పేరు పొందిన కేంద్ర హోం శాఖ మంత్రి అమిత్ చంద్ర షాను కూడా క‌లుసుకోనున్న‌ట్లు స‌మాచారం. అంత‌కు ముందు బీజేపీ ఏపీ ఇంఛార్జి ముర‌ళీధ‌ర‌న్ తో ప‌వ‌న్ క‌ళ్యాణ్ భేటీ(Pawan Kalyan) కావ‌డం ప్రాధాన్య‌త సంత‌రించుకుంది. రాబోయే ఎన్నిక‌ల్లో బీజేపీ, జ‌న‌సేన క‌లిసి పోటీ చేస్తుందా అన్న‌ది తేలాల్సి ఉంది.

ఇప్ప‌టికే తెలుగుదేశం పార్టీ ప్ర‌చారంలో ముందంజ‌లో ఉంది. మ‌రో వైపు అధికారంలో ఉన్న వైసీపీ అన్ని సీట్లు కైవ‌సం చేసుకునేలా సీఎం జ‌గ‌న్ రెడ్డి ప్లాన్ చేస్తున్నారు. ఇప్ప‌టికే జ‌న‌సేన పార్టీ బ‌హిరంగ స‌భ‌ను నిర్వ‌హించారు. స‌భ స‌క్సెస్ అయ్యింది. ఇదిలా ఉండ‌గా ప‌వ‌ర్ స్టార్ బీజేపీ త‌ర‌పున క‌ర్ణాట‌క‌లో ఎన్నిక‌ల ప్ర‌చారం చేయ‌నున్న‌ట్లు జోరుగా ప్ర‌చారం జ‌రుగుతోంది.

Also Read : ప్ర‌భుత్వ వైఫ‌ల్యం విద్యార్థుల‌కు శాపం