PM Modi Dawoodi Bohra : సైఫుద్దీన్ జీ నేను మీ వాడినే – మోదీ
బోహ్రా ముస్లింల‌కు ప్ర‌ధాన‌మంత్రి భ‌రోసా
PM Modi Dawoodi Bohra : దేశ ప్ర‌ధాన‌మంత్రి న‌రేంద్ర దామోద‌ర దాస్ మోదీ ఆస‌క్తిక‌ర వ్యాఖ్య‌లు చేశారు. ముస్లింలంటే త‌న‌కు ఎంతో గౌర‌వం ఉంద‌ని, వారితో సాన్నిహిత్య‌మే కాదు ఆ వ‌ర్గాల‌లో తాను ఒక‌డిగా ఉన్నాన‌ని ఈ సంద‌ర్భంగా గుర్తు చేసుకున్నారు. ప్ర‌త్యేకించి బోహ్రా ముస్లింల‌కు మోదీ అభినంద‌న‌లు తెలిపారు. ఇదిలా ఉండ‌గా భార‌త దేశంలో అత్యంత ధిన‌క పౌర సంస్థ‌గా పేరు పొందింది బృహ‌న్ ముంబై మున్సిప‌ల్ కార్పొరేష‌న్ (బీఎంసీ). ఈ కార్పొరేష‌న్ కు త్వ‌ర‌లోనే ఎన్నిక‌లు జ‌ర‌గ‌నున్నాయి.
దీంతో ప్ర‌స్తుతం షిండే, బీజేపీ సంయుక్తంగా సంకీర్ణ స‌ర్కార్ ను ఏర్పాటు చేసింది మ‌రాఠాలో. ఎలాగైనా స‌రే బీఎంసీలో పాగా వేయాల‌ని అనుకుంటోంది బీజేపీ. ఇందుకు సంబంధించి ప్ర‌ధాన‌మంత్రి మోదీ ముంబైకి రావ‌డం ఇది రెండోసారి. ఇక్క‌డ ముస్లింల ఓట్లు గ‌ణ‌నీయంగా ఉన్నాయి. వారిని త‌మ వైపు మ‌ళ్లించేందుకు బీజేపీ శ‌త విధాలుగా ప్ర‌య‌త్నాలు చేస్తోంది.
ఇక న‌గ‌రంలో మున్సిప‌ల్ ఎన్నిక‌ల‌కు ముందు ముంబై లోని అత్యంత ప్ర‌భావ వంత‌మైన క‌మ్యూనిటీలో ఒక‌టైన దావూదీ బోహ్రా ముస్లింల విద్యా సంస్థ‌కు చెందిన క్యాంప‌స్ ను ప్ర‌ధాన మంత్రి న‌రేంద్ర మోదీ(PM Modi Dawoodi Bohra) శుక్ర‌వారం ప్రారంభించారు. అంధేరి స‌బ‌ర్బ‌న్ లోని మ‌రోల్ లో అల్జామియా – తుస్ – సైఫియా ( ది సైఫి అకాడ‌మీ) కొత్త ప్రాంగ‌ణంలో క‌మ్యూనిటీ చీఫ్ స‌య్య‌ద్నా ముఫ‌ద్ద‌ల్ సైఫుద్దీన్ తో క‌ర‌చాల‌నం చేశారు. ప్ర‌స్తుతం ఇందుకు సంబంధించిన ఫోటోలు హ‌ల్ చ‌ల్ చేస్తున్నాయి. నెట్టింట్లో వైర‌ల్ గా మారాయి.
Also Read : కిమ్ భార్య రాకెట్ లాకెట్ వైర‌ల్