PM Modi : కాంగ్రెస్ ల‌క్ష్యం న‌న్ను దూషించ‌డం

PM Modi : దేశ ప్ర‌ధాన‌మంత్రి న‌రేంద్ర మోదీ నిప్పులు చెరిగారు. శ‌నివారం క‌ర్ణాట‌క‌లో ఎన్నిక‌ల ప్ర‌చారంలో పాల్గొన్నారు. ఈ సంద‌ర్భంగా కాంగ్రెస్ పార్టీపై భ‌గ్గుమ‌న్నారు. కాంగ్రెస్ ల‌క్ష్యం ఒక్క‌టే త‌నను దూషించ‌డం త‌ప్ప మ‌రొక‌టి కాద‌న్నారు. త‌న‌నే తిట్ట‌డ‌మే ప‌నిగా పెట్టుకున్నార‌ని 91 సార్లు ఇప్ప‌టి దాకా తీవ్ర వ్యాఖ్య‌లు చేశారంటూ ఆరోపించారు.

సామాన్యుల గురించి మాట్లాడే వారి అవినీతిని బ‌య‌ట పెట్టే , వారి స్వార్థ రాజ‌కీయాల‌పై దాడి చేసే ప్ర‌తి ఒక్క‌రినీ కాంగ్రెస్ ద్వేషిస్తోంద‌ని మండిప‌డ్డారు న‌రేంద్ర మోదీ(PM Modi). కాంగ్రెస్ ద్వేషాన్ని వ్యాప్తి చేస్తోంద‌న్నారు. ఈ సారి రాష్ట్రంలో జ‌రుగుతున్న అసెంబ్లీ ఎన్నిక‌ల్లో మ‌రోసారి త‌న‌ను తిట్ట‌డ‌మే ప‌నిగా పెట్టుకుందంటూ ఆగ్ర‌హం వ్య‌క్తం చేశారు.

ఏఐసీసీ చీఫ్ మ‌ల్లికార్జున్ ఖ‌ర్గే త‌న‌ను విష పూరిత పాముగా అభివ‌ర్ణించార‌ని , తాను ఏమీ అనుకోన‌ని అన్నారు. కాంగ్రెస్ పార్టీ నేత‌లు ఎంత‌గా త‌న‌ను తిడితే తాను అంత బ‌లంగా త‌యార‌వుతున్నాన‌ని స్ప‌ష్టం చేశారు. లింగాయ‌త్ క‌మ్యూనిటీని కాంగ్రెస్ దుర్వినియోగం చేస్తోంద‌ని ధ్వ‌జ‌మెత్తారు. అంబేద్క‌ర్ , వీర్ సావ‌ర్క‌ర్ ను ప‌క్క‌న పెట్టారంటూ మండిప‌డ్డారు. బీజేపీ బుర‌ద చ‌ల్లినంత మాత్రాన క‌మ‌లం విక‌సిస్తోంద‌న్నారు. ప్ర‌జ‌లు ఓట్ల‌తోనే స‌మాధానం చెబుతార‌ని చెప్పారు.

Also Read : ఎంపీ అఫ్జ‌ల్ అన్సారీపై అన‌ర్హ‌త వేటు