Naveen Reddy Vaishali : న‌వీన్ రెడ్డి క‌నిపిస్తే చెప్పండి
క‌నిపించ‌ని మిస్ట‌ర్ టీ ఫౌండ‌ర్
Naveen Reddy Vaishali : రాష్ట్రంలో సినీ ఫ‌క్కీలో జ‌రిగిన డాక్ట‌ర్ వైశాలీ రెడ్డి కిడ్నాప్ వ్య‌వ‌హారం తీవ్ర దుమారం రేపింది. తీవ్ర చ‌ర్చ‌కు దారి తీసింది. మిస్ట‌ర్ టీ ఫౌండ‌ర్ ఈ న‌వీన్ రెడ్డి(Naveen Reddy). ఏకంగా వంద మందితో వెళ్లి బాధితురాలిని కిడ్నాప్ చేశాడు. ఆ త‌ర్వాత క‌నిపించ‌కుండా పోయాడు. ఇప్ప‌టి వ‌ర‌కు అత‌డి ఆచూకీ తెలియ లేదు.
మొద‌ట్లో న‌ల్ల‌గొండ జిల్లా శివారులో విజ‌య‌వాడకు వెళుతుండ‌గా ప‌ట్టుకున్నామ‌న్నారు. కానీ ఇప్ప‌టి వ‌ర‌కు న‌వీన్ రెడ్డి కోసం గాలిస్తున్న‌ట్లు వెల్ల‌డించారు పోలీసులు. ఇదిలా ఉండ‌గా తామిద్ద‌రికి ప‌రిచ‌యం మాత్ర‌మే ఉంద‌నే పెళ్లి చేసుకోలేద‌ని స్ప‌ష్టం చేసింది డాక్ట‌ర్ వైశాలీ రెడ్డి. న‌వీన్ రెడ్డి(Naveen Reddy) ఆధ్వ‌ర్యంలో పెద్ద ఎత్తున దాడికి పాల్ప‌డ్డారు.
ఆ త‌ర్వాత పేరెంట్స్ కు గాయాల‌య్యాయి. తీవ్ర విధ్వంసం సృష్టించారు. అడ్డు వ‌చ్చిన వారిని గాయ‌ప‌ర్చారు. పేరెంట్స్ ధ‌ర్నాకు దిగ‌డం, దేశ వ్యాప్తంగా కిడ్నాప్ వ్య‌వ‌హారం అటు సోష‌ల్ మీడియాలో హ‌ల్ చ‌ల్ కావ‌డంతో పోలీసులు రంగంలోకి దిగారు. ఎట్టకేల‌కు బాధితురాలైన డెంట‌ల్ డాక్ట‌ర్ వైశాలీ రెడ్డి క్షేమంగా బ‌య‌ట ప‌డింది.
ఆమె ప్ర‌స్తుతం కోలుకుంటోంది. ఇక మ‌న్నెగూడ కిడ్నాప్ కేసులో బాధితురాలికి సంబంధించి మ‌రోసారి వాంగ్మూలాన్ని రికార్డు చేయ‌నున్నారు పోలీసులు. ఈ కేసుకు సంబంధించి షీ టీమ్ వైశాలీ రెడ్డి(Vaishali Reddy) స్టేట్ మెంట్ రికార్డు చేసింది. ఆమె షాక్ లో ఉండ‌డంతో వివ‌రాలు స‌రిగా చెప్ప‌క లేక పోయంది.
తిరిగి మ‌రోసారి రికార్డు చేయ‌నున్న‌ట్లు స‌మాచారం. ఇక కిడ్నాప్ కేసులో మిస్ట‌ర్ టీ ఫౌండ‌ర్ న‌వీన్ రెడ్డి ఇంకా ప‌రారీలో ఉన్నాడు. అత‌డి కోసం గాలిస్తున్న‌ట్లు పోలీసులు చెప్పారు. ప్ర‌స్తుతం ఈ ఘ‌ట‌న‌లో పాలు పంచుకున్న 32 మందిని అదుపులోకి తీసుకుని విచారిస్తున్నారు.
Also Read : ‘ప్యూర్’ అవ‌గాహ‌న విద్యార్థినుల‌కు ఆలంబ‌న