Tellam Venktarao : పొంగులేటికి షాక్ ‘తెల్లం’ జంప్

Tellam Venktarao : తెలంగాణ‌లో రాజ‌కీయాలు మ‌రింత రంజుగా మారాయి. ఎవ‌రు ఎప్పుడు ఏ పార్టీలోకి జంప్ అవుతున్నారో తెలియ‌ని ప‌రిస్థితి నెల‌కొంది. పైకి చెప్పేవి నీతి మాట‌లు కానీ త‌మ వ‌ర‌కు వ‌చ్చే స‌రిక‌ల్లా జంప్ కావ‌డం జ‌రుగుతోంది. ప‌ద‌వుల‌పై ఉన్నంత ప్రేమ ప్ర‌జ‌ల‌కు సేవ చేయాల‌న్న త‌లంపు లేకుండా పోయింద‌న్న ఆరోప‌ణ‌లు లేక పోలేదు.

Tellam Venktarao Sudden Joining

ఇదిలా ఉండ‌గా ఖ‌మ్మం జిల్లాలో ప‌ట్టు క‌లిగి ఉన్న నాయ‌కుడిగా గుర్తింపు పొందారు మాజీ ఎంపీ పొంగులేటి శ్రీ‌నివాస్ రెడ్డి. ఆయ‌న బ‌డా కాంట్రాక్టర్ కూడా. బీఆర్ఎస్ కు రాజీనామా చేసిన ఆయ‌న కొంత కాలం చ‌ర్చ‌ల్లో ఉన్నారు. ఆపై బీజేపీలో చేరుతార‌ని భావించారు. కానీ కాంగ్రెస్ తీర్థం పుచ్చుకున్నారు.

ఆయ‌న అనుచ‌రుడిగా గుర్తింపు పొందారు తెల్లం వెంక‌ట్రావు(Tellam Venkatrao). ఇటీవ‌ల ఖ‌మ్మంలో జ‌రిగిన కాంగ్రెస్ పార్టీ జ‌న గ‌ర్జ‌న స‌భ‌లో పొంగులేటి శ్రీ‌నివాస్ రెడ్డితో పాటు ఆయ‌న ముఖ్య అనుచ‌రులు కూడా కాంగ్రెస్ కండువా క‌ప్పుకున్నారు. చివ‌ర‌కు ఉన్న‌ట్టుండి రాష్ట్ర ఆరోగ్య శాఖ మంత్రి, ట్ర‌బుల్ షూట‌ర్ గా పేరు పొందిన త‌న్నీరు హ‌రీష్ రావు వెనుక నుంచి చ‌క్రం తిప్ప‌డంతో తిరిగి తెల్లం మ‌న‌సు మార్చుకున్నారు.

ఇక వెంక‌ట్రావు మొద‌టి నుంచి భ‌ద్రాచ‌లం టికెట్ ఆశిస్తూ వ‌చ్చారు. కాంగ్రెస్ పార్టీలో పోడెం వీర‌య్య‌కు త‌ప్ప ఎవ‌రికీ టికెట్ రాద‌ని తెలుసుకున్న తెల్లం ఉన్న‌ట్టుండి తిరిగి బీఆర్ఎస్ గూటికి చేరనున్నారు. మొత్తంగా జంపింగ్ జపాంగ్ లు ఇంకెంద‌రిని చూడాల్సి వ‌స్తుందో.

Also Read : Minister KTR : వారం రోజుల్లో తొలి విడ‌త ఇండ్లు పంపిణీ