Pujara Rizwan : పుజారా..రిజ్వాన్ అరుదైన క‌ల‌యిక
సోష‌ల్ మీడియాలో ఫోటో హ‌ల్ చ‌ల్
Pujara Rizwan : భార‌త , పాకిస్తాన్ జ‌ట్ల మ‌ధ్య మ్యాచ్ అనే స‌రిక‌ల్లా ఎక్క‌డ లేని టెన్ష‌న్ మొద‌ల‌వుతుంది. ఇదే స‌మ‌యంలో ఆట‌గాళ్ల మ‌ధ్య కూడా ఆధిప‌త్య పోరు న‌డిచేది గ‌తంలో. కానీ ఇప్పుడు సీన్ మారింది.
దాయాది దేశాల‌కు చెందిన క్రికెట‌ర్లు స్నేహంగా ఉంటున్నారు. ఇటీవ‌ల వ‌ర‌ల్డ్ క్రికెట్ లో పాకిస్తాన్ క్రికెట‌ర్లు టాప్ లో కొన‌సాగుతున్నారు. వ‌న్డే, టెస్టు, టీ20 ఫార్మాట్ ల‌లో దుమ్ము రేపుతున్నాయి.
ఐసీసీ డిక్లేర్ చేసిన రేటింగ్స్ లో స‌త్తా చాటారు. తాజాగా అరుదైన దృశ్యం ఆవిష్కృత‌మైంది. భార‌త క్రికెట్ జ‌ట్టులో ది వాల్ గా పేరొందిన చ‌టేశ్వ‌ర్ పుజారా(Pujara Rizwan), పాకిస్తాన్ స్టార్ ఓపెన‌ర్ మ‌హ్మ‌ద్ రిజ్వాన్ క‌లిసి దిగిన ఫోటో ఇప్పుడు వైర‌ల్ గా మారింది.
వీరిద్ద‌రూ క‌లిసి ఉన్న ఫోటో ను చూసిన భార‌త, పాకిస్తాన్ క్రికెట్ అభిమానులు సంతోషం వ్య‌క్తం చేస్తున్నారు. అస‌లైన క్రీడా స్పూర్తిని చాటుతోందంటూ పేర్కొన్నారు. ప్ర‌శంస‌ల జ‌ల్లులు కురిపిస్తున్నారు.
ఛ‌తేశ్వ‌ర్ పుజారా, మ‌హ్మ‌ద్ రిజ్వాన్ లు ఇద్ద‌రూ ఇంగ్లండ్ లోని స‌స్సెక్స్ త‌ర‌పున ఆడుతున్నారు. వీరిద్ద‌రూ ఆ జ‌ట్టు కిట్ ధ‌రించారు.
గురువారం కౌంటీ ఛాంపియ‌న్ షిప్ (డివిజ‌న్ 2) లో స‌సెక్స్ త‌ర‌పున పుజారా, రిజ్వాన్ ఆడుతున్నారు. టోర్నీలో భాగంగా రెండో గేమ్ డెర్బీ షైర్ తో త‌ల‌ప‌డ‌నుంది.
చ‌తేశ్వ‌ర్ పుజారా, మ‌హ్మ‌ద్ రిజ్వాన్ ఇద్ద‌రికీ ఇది తొలిరోజు అని స‌సెక్స్ త‌మ అధికారిక ట్విట్ట‌ర్ ఖాతాలో పోస్ట్ చేసింది. షేర్ చేసిన కొద్ది సేప‌టికే వైర‌ల్ గా మారింది.
Also Read : రియ‌ల్ హీరో ఓడియ‌న్ స్మిత్