Ricky Ponting : ఇండియా..ఆస్ట్రేలియా ఫైన‌ల్ కు ఖాయం

Ricky Ponting : ఆస్ట్రేలియా క్రికెట్ దిగ్గ‌జం రికీ పాంటింగ్ సంచ‌ల‌న కామెంట్స్ చేశారు. ఈ ఏడాది ఆస్ట్రేలియాలో ప్ర‌తిష్టాత్మ‌క‌మైన టి20 వ‌ర‌ల్డ్ క‌ప్ జ‌ర‌గ‌నుంది. ఇందుకు సంబంధించి త‌న ప్రిడిక్ష‌న్ వెలువ‌రించాడు.

ఎవ‌రు ఫైన‌ల్ కు చేరుతార‌నే దానిపై ఆస‌క్తి రేగుతున్న త‌రుణంలో ఆస‌క్తిక‌ర వ్యాఖ్య‌లు చేశాడు. రోహిత్ శ‌ర్మ సార‌థ్యంలోని భార‌త జ‌ట్టు, ఆరోన్ ఫించ్ నేతృత్వంలోని ఆస్ట్రేలియా జ‌ట్టు ఫైన‌ల్ కు చేర‌డం ఖాయ‌మ‌ని జోష్యం చెప్పారు.

ప్ర‌స్తుతం రికీ పాంటింగ్ చేసిన కామెంట్స్ క‌ల‌క‌లం రేపుతున్నాయి. తాజా, మాజీ క్రికెట‌ర్లు మాత్రం పాకిస్తాన్ హాట్ ఫెవ‌రేట్ గా చెబితే రికీ పాంటింగ్ మాత్రం ఫుల్ కాన్ఫిడెన్స్ వ్య‌క్తం చేశారు.

ఇదిలా ఉండ‌గా గ‌త ఏడాది యునైటెడ్ అర‌బ్ ఎమిరేట్స్ వేదిక‌గా జ‌రిగిన టి20 వ‌ర‌ల్డ్ క‌ప్ ను ఆస్ట్రేలియా ద‌క్కించుకుంది. అనూహ్యంగా న్యూజిలాండ్ పాకిస్తాన్ ను సెమీస్ లో ఓడించి ఫైన‌ల్ కి చేరింది.

తాజాగా రికీ పాంటింగ్(Ricky Ponting) మాత్రం భార‌త జ‌ట్టు, ఆసిస్ జ‌ట్టుకు సంపూర్ణ మ‌ద్ద‌తు ప్ర‌క‌టించాడు. ఇరు జ‌ట్లు అత్యంత బ‌లంగా ఉన్నాయ‌ని పేర్కొన్నాడు. ప్ర‌పంచంలో ఏ జ‌ట్టుకు లేనంత బ‌ల‌మైన క్రికెట‌ర్లు భార‌త్ కు ఉంద‌న్నారు.

ఏ జ‌ట్టుకైనా క‌నీసం 20 మంది పోటీ ప‌డ‌తార‌ని కానీ ఇండియాకు అలా లేద‌న్నాడు పాంటింగ్. ఏకంగా 35 నుంచి 45 మంది దాకా రేసులో ఉన్నార‌ని పేర్కొన్నాడు రికీ పాంటింగ్. పాకిస్తాన్ లో ఒక‌రిద్ద‌రు త‌ప్ప ఆడ‌డం లేద‌న్నాడు. ఇంగ్లండ్ కు అంత సీన్ లేద‌న్నాడు.

Also Read : కామ‌న్వెల్త్ గేమ్స్ కు నీర‌జ్ చోప్రా దూరం