Sanju Samson Catch : సంజూ శాంస‌న్ స్ట‌న్నింగ్ క్యాచ్

Sanju Samson Catch : అస్సాంలోని గౌహ‌తిలో జ‌రిగిన ఐపీఎల్ లీగ్ మ్యాచ్ లో ఢిల్లీ క్యాపిట‌ల్స్ పై రాజ‌స్థాన్ రాయ‌ల్స్ 52 ప‌రుగుల తేడాతో గ్రాండ్ విక్ట‌రీని న‌మోదు చేసింది. 4 వికెట్లు కోల్పోయి మొద‌ట బ్యాటింగ్ చేసిన రాజ‌స్థాన్ 199 ప‌రుగులు చేసింది.

యంగ్ ప్లేయ‌ర్ య‌శ‌స్వి జైశ్వాల్ 60 ప‌రుగులు చేస్తే జోస్ బ‌ట్ల‌ర్ 79 ప‌రుగుల‌తో రాణించారు. షిమ్రోన్ హిట్మెయ‌ర్ 39 ర‌న్స్ తో దుమ్ము రేపాడు. భారీ షాట్ ఆడ‌బోయిన శాంస‌న్ డ‌కౌట్ అయ్యాడు. ఇక రియాన్ ప‌రాగ్ 7 ప‌రుగుల‌కే నిరాశ ప‌రిచాడు. ధ్రువ్ 8 రన్స్ చేసి నాటౌట్ గా నిలిచాడు.

అనంత‌రం 200 భారీ టార్గెట్ తో బ‌రిలోకి దిగిన ఢిల్లీ క్యాపిట‌ల్స్ లో కెప్టెన్ డేవిడ్ వార్న‌ర్ ఒక్క‌డే ఒంట‌రి పోరాటం చేశాడు. 65 ర‌న్స్ చేసినా జ‌ట్టును గెలిపించ లేక పోయాడు. ఓపెన‌ర్ గా వ‌చ్చిన పృథ్వీ షా ట్రెంట్ బౌల్ట్ బౌలింగ్ లో భారీ షాట్ ఆడ‌బోయాడు. కానీ వికెట్ కీప‌ర్ గా ఉన్న రాజ‌స్థాన్ రాయ‌ల్స్ స్కిప్ప‌ర్ సంజూ శాంస‌న్(Sanju Samson Catch) క‌ళ్లు చెదిరేలా గాల్లోకి ఎగురుతూ బంతిని ఒడిసి ప‌ట్టుకున్నాడు. దీంతో ఒక్క‌సారిగా స్టేడియం అంతా చ‌ప్ప‌ట్ల‌తో మారు మ్రోగింది.

త‌ను కొట్టిన షాట్ కు ఫోర్ పోతుంద‌ని అనుకున్న పృథ్వీ షా ఊహించ‌ని షాక్ కు గుర‌య్యాడు. ప్ర‌స్తుతం శాంస‌న్ ప‌ట్టిన క్యాచ్ కు సంబంధించిన వీడియో నెట్టింట్లో వైర‌ల్ గా మారింది. ట్రెండింగ్ లో కొన‌సాగుతోంది.

Also Read : అజింక్యా ర‌హానే అరుదైన రికార్డ్