Serial Killer Arrest : సీరియ‌ల్ కిల్ల‌ర్ అరెస్ట్
మూవీని త‌ల‌పించిన కిరాత‌కుడు
Serial Killer : నాగ‌ర్ క‌ర్నూల్ జిల్లా – సినిమాల‌ను త‌ల‌పింప చేసేలా అత్యంత కిరాత‌కంగా మ‌నుషులను చంపిన కిరాత‌కుడు సీరియ‌ల్ కిల్ల‌ర్ గా పేరు పొందిన నాగ‌ర్ క‌ర్నూల్(Nagarkurnool) జిల్లాకు చెందిన రామ‌టి స‌త్య నారాయ‌ణ యాద‌వ్ ను పోలీసులు అరెస్ట్ చేశారు. ఇప్ప‌టి వ‌ర‌కు 11 మందిని గుప్త నిధుల పేరుతో పొట్ట‌న పెట్టుకున్న‌ట్లు అనుమానాలు ఉన్నాయి. స‌త్య నారాయ‌ణ‌కు 47 ఏళ్లు.
Serial Killer Arrest Viral
గుప్త నిధులు ఉన్నాయ‌ని న‌మ్మిస్తాడు. వారికి లేనిపోని మాట‌లు చెబుతాడు. లొంగి పోతే స‌రే లేక పోతే అతి కిరాత‌కంగా చంపేస్తాడు రామ‌టి స‌త్య‌నారాయ‌ణ. తొలుత డ‌బ్బులు తీసుకుంటాడు. లేదంటే త‌న పేరు మీద ప్లాట్లు రాయించుకుంటాడు. ఆపై అమాయ‌క బాధితుల‌ను ఏకాంత ప్ర‌దేశాల‌కు తీసుకు వెళ‌తాడు.
నిర్జ‌న ప్రాంతాల‌కు తీసుకు వెళ్లి..వారి నోటిలో యాసిడ్ పోస్తాడు. తెలియ‌ని విషాన్ని పోసి చంపేస్తాడు. మారు వేషంలో సంచ‌రిస్తాడు. ఇత‌డిని ప‌ట్టుకోవ‌డం పోలీసుల‌కు గ‌తంలో స‌వాల్ గా మారింది. ప‌లు ఫిర్యాదులు వ‌చ్చినా ప‌ట్టించు కోలేద‌ని ఫిర్యాదులు ఉన్నాయి.
ఈ సీరియ‌ల్ కిల్ల‌ర్ గ‌త 2020 సంవ‌త్స‌రం నుండి ఈ నేరాలకు పాల్ప‌డుతున్న‌ట్లు పోలీసులు వెల్ల‌డించారు. ఇప్ప‌టి వ‌ర‌కు తెలంగాణ, ఆంధ్ర‌ప్ర‌దేశ్ తో పాటు క‌ర్ణాట‌క వ్యాప్తంగా ఇత‌డిపై 8 కేసులు ఉన్న‌ట్లు గుర్తించారు. మొత్తంగా స‌త్య‌నారాయ‌ణ అరెస్ట్ కావ‌డంతో అంతా ఊపిరి పీల్చుకున్నారు.
Also Read : Rajya Sabha Passes : ఈసీ బిల్లుకు రాజ్య‌స‌భ‌లో ఆమోదం