Shakuntalam Movie : ఏప్రిల్ 14న రానున్న శాకుంత‌లం
ఖ‌రారు చేసిన చిత్ర బృందం
Shakuntalam Movie : గుణ‌శేఖ‌ర్ ద‌ర్శ‌క‌త్వంలో స‌మంత న‌టించిన శాకుంత‌లం చిత్రం ఎట్ట‌కేల‌కు విడుద‌ల‌య్యేందుకు సిద్ద‌మైంది. చిత్ర యూనిట్ గ‌త కొంత కాలంగా డేట్స్ ప్ర‌క‌టిస్తూ వ‌స్తోంది కానీ రిలీజ్ చేయ‌డంలో జాప్యం చేస్తూ వ‌స్తోంది. దీంతో స‌మంత ఫ్యాన్స్ సీరియ‌స్ అవుతున్నారు. మ‌రో వైపు వింత వ్యాధితో బాధ ప‌డుతోంది న‌టి సామ్. ఈ చిత్రంపై(Shakuntalam Movie) విప‌రీత‌మైన అంచ‌నాలు పెట్టుకుంది. అంతే కాకుండా ఆనాడు కాళిదాసు రాసిన అభిజ్ఞాన శాకుంత‌లం నాట‌కాన్ని తెర మీద‌కు తెచ్చే ప్ర‌య‌త్నం చేశారు ద‌ర్శ‌కుడు గుణ శేఖ‌ర్.
ఇప్ప‌టికే శాకుంత‌లం సినిమాకు(Shakuntalam Movie) సంబంధించిన ట్రైల‌ర్ , సాంగ్స్ కు విప‌రీత‌మైన ఆద‌ర‌ణ ల‌భించింది. దీంతో చిత్ర నిర్మాత‌తో పాటు బృందం తెగ ముచ్చ‌ట ప‌డుతోంది. తాము ప‌డిన క‌ష్టానికి త‌గిన స‌క్సెస్ ల‌భిస్తుంద‌ని నిర్మాత అంచ‌నా వేస్తున్నారు.
ఇదిలా ఉండ‌గా దీనిని ఇప్ప‌టికే విజువ‌ల్ వండ‌ర్ గా పేర్కొన్నారు సినీ అన‌లిస్టులు. చిత్ర యూనిట్ శాకుంత‌లంను పాన్ ఇండియా మూవీగా తెరకెక్కించారు. ప్ర‌పంచ వ్యాప్తంగా రిలీజ్ చేసేందుకు స‌న్నాహాలు ప్రారంభించారు.
కాగా చిత్రానికి సంబంధించి విడుద‌ల తేదీని ప్ర‌క‌టించారు. వాస్త‌వానికి ఫిబ్ర‌వరి 17న రావాల్సి ఉంది. కానీ అనివార్య కార‌ణాల వ‌ల్ల రిలీజ్ చేయ‌లేక పోతున్న‌ట్లు పేర్కొన్నారు. మొత్తంగా గుణ శేఖ‌ర్ రూపొందించిన పౌరాణిక ప్రేమ కావ్యంగా తీర్చిదిద్దాడు శాకుంత‌లం చిత్రాన్ని. ఇందులో దేవ్ మోహ‌న్ , మోహ‌న్ బాబు, స‌చిన్ కేడ్క‌ర్, గౌత‌మి, మ‌ధుబాల, ప్ర‌కాశ్ రాజ్ , క‌బీర్ బేడి, అదితి బాల‌న్ , అన‌న్య నాగ‌ళ్ల, వ‌ర్షిణి సౌంద‌ర రాజ‌న్ న‌టించారు.
Also Read : పాట ప‌దిలం బాలు జ్ఞాప‌కం – సుశీల