Shashi Tharoor : మోదీ చ‌రిష్మా వ‌ల్లే యూపీలో గెలుపు

Shashi Tharoor : కాంగ్రెస్ పార్టీ సీనియ‌ర్ నేత శ‌శి థ‌రూర్ ఆస‌క్తిక‌ర వ్యాఖ్య‌లు చేశారు. ఉత్త‌ర ప్ర‌దేశ్ లో తాజాగా జ‌రిగిన ఎన్నిక‌ల్లో బీజేపీ గెలుపు కాద‌ని అది కేవ‌లం మోదీ చ‌రిష్మా వ‌ల్ల‌నే గెలిచింద‌ని పేర్కొన్నారు.

ఏది ఏమైనా పార్టీకి మోదీ ఓ అస్సెట్ గా మారారంటూ కామెంట్ చేశారు. ఆయ‌న‌లో అద్భుత‌మైన శ‌క్తి ఉందంటూ కితాబు ఇచ్చారు. రాజ‌కీయంగా ఎలా ఓట్లు రాబ‌ట్టు కోవాలో మోదీ తెలుసు కున్నార‌ని దానినే ప్ర‌యోగించారంటూ స్ప‌ష్టం చేశారు శ‌శి థ‌రూర్.

ఇదిలా ఉండ‌గా కాంగ్రెస్ పార్టీలో మోస్ట్ ఇంటెలెక్చువ‌ల్ నాయ‌కుడిగా పేరొందారు శ‌శి థ‌రూర్(Shashi Tharoor). ప్ర‌స్తుతం కాంగ్రెస పార్టీ క‌ష్ట కాలంలో ఉన్న స‌మ‌యంలో థ‌రూర్ చేసిన వ్యాఖ్య‌లు ఆ పార్టీలో క‌ల‌క‌లం రేపాయి.

భార‌తీయ ఓట‌ర్ల‌ను ఆశ్చ‌ర్య ప‌రిచే, మెస్మ‌రైజ్ చేసే శ‌క్తి మోదీకి ఉంద‌న్నారు. ఏదో ఒక రోజు ఆ సామ‌ర్థ్యం బీజేపీని విస్మ‌య ప‌రిచేలా చేస్తుందంటూ జోస్యం చెప్పారు. రాజ‌స్థాన్ లోని జైపూర్ లో మీడియాతో మాట్లాడారు శశి థ‌రూర్.

ప్ర‌ధాన మంత్రి మోదీ నిత్య చైత‌న్యంతో ఉంటూ త‌నతో పాటు త‌న వారినంద‌రినీ ఎన్నిక‌ల వైపు తీసుకు వెళ్లేలా చేస్తున్నారంటూ ప్ర‌శంసించారు. టార్గెట్ బేస్ మీద ప‌ని చేస్తూ స‌క్సెస్ అవుతూ వ‌చ్చార‌ని తెలిపారు.

జైపూర్ లో నిర్వ‌హిస్తున్న బుక్ ఫెస్టివ‌ల్ లో శ‌శి థ‌రూర్(Shashi Tharoor) పాల్గొన్నారు. మ‌రో వైపు విమ‌ర్శ‌ల‌కు కూడా సంధించారు. దేశాన్ని కులం, మతం, ప్రాంతం పేరుతో విభ‌జించే ప‌నిలో స‌క్సెస్ అయ్యాడంటూ ఆరోపించారు.

మ‌త‌ప‌ర‌మైన శ‌క్తుల‌కు ఊతం ఇచ్చేలా చేశాడంటూ మండిప‌డ్డారు శ‌శి థ‌రూర్. ఏదో ఒక‌రోజు భార‌త ఓట‌ర్లు బీజేపీ విస్తు పోయేలా తీర్పు ఇస్తార‌ని ధీమా వ్య‌క్తం చేశారు.

Also Read : ఉప ఎన్నిక‌ల బ‌రిలో సిన్హా..సుప్రియో