Tejasvi Surya : ట్ర‌బుల్ షూట‌ర్ తో తేజ‌స్వి భేటీ

Tejasvi Surya : క‌ర్ణాట‌క – రాష్ట్రంలో ఆస‌క్తిక‌ర స‌న్నివేశం చోటు చేసుకుంది. నిన్న‌టి దాకా నువ్వా నేనా అన్న రీతిలో పోటా పోటీగా ఆరోప‌ణ‌ల ప‌ర్వానికి తెర తీశారు. కానీ అనూహ్యంగా కొలువు తీరిన భార‌తీయ జ‌న‌తా పార్టీకి బిగ్ షాక్ త‌గిలింది. కాంగ్రెస్ పార్టీ ఆధ్వ‌ర్యంలో కొత్త స‌ర్కార్ కొలువు తీరింది.

Tejasvi Surya Meet DK

ట్ర‌బుల్ షూట‌ర్ గా పేరు పొందిన డిప్యూటీ సీఎం డీకే శివ‌కుమార్ తో ఉన్న‌ట్టుండి ఆయ‌న‌ను విభేదించి, నిత్యం విమ‌ర్శ‌ల వ‌ర్షం కురిపించే డైన‌మిక్ లీడ‌ర్ గా గుర్తింపు పొందిన భార‌తీయ జ‌న‌తా పార్టీకి చెందిన ఎంపీ తేజ‌స్వి సూర్య(Tejasvi Surya) భేటీ అయ్యారు. దీంతో రాష్ట్ర రాజ‌కీయాలు ఒక్క‌సారిగా క‌ల‌క‌లం రేపాయి.

ఇద్ద‌రూ రాజ‌కీయంగా బ‌ద్ద శ‌త్రువులు. కానీ ప్ర‌త్యేకించి కీల‌క‌మైన పోస్టులో ఉన్న తేజ‌స్వి సూర్య ఉన్న‌ట్టుండి ఎందుకు డిప్యూటీ సీఎంతో క‌లిశార‌న్న దానిపై పెద్ద ఎత్తున ఊహాగానాలు చెల‌రేగాయి. కేవ‌లం త‌న నియోజ‌క‌వ‌ర్గంలో అభివృద్ది ప‌నుల‌కు సంబంధించి మాత్ర‌మే చ‌ర్చించేందుకు తాను వెళ్లాల‌న‌ని, అంత‌కు మించి ఇంకేమీ లేద‌న్నారు.

పార్టీలు వేరైనంత మాత్రాన స్నేహం, ప‌రిచ‌యం ఉండ కూడ‌ద‌ని రూల్ ఏమీ లేద‌ని ఈ సంద‌ర్బంగా తేజ‌స్వి సూర్య పేర్కొన‌డం ఒకింత ఆశ్చ‌ర్యాన్ని క‌లిగించింది. మొత్తంగా ట్ర‌బుల్ షూట‌ర్ , డైన‌మిక్ లీడ‌ర్ల మ‌ధ్య ఏం చ‌ర్చ‌కు వ‌చ్చాయ‌నే దానిపై బీజేపీ ఆరా తీస్తోంది.

Also Read : AP CID Chief : సోష‌ల్ మీడియా పోస్టుల‌పై న‌జ‌ర్