TSPSC GROUP- 4 Hall Tickets : గ్రూప్ – 4 హాల్ టికెట్లు రెడీ
జూన్ 24 నుంచి వెబ్ సైట్ లో సిద్దం
TSPSC GROUP- 4 Hall Tickets : తెలంగాణ ప‌బ్లిక్ స‌ర్వీస్ క‌మిష‌న్ (టీఎస్పీఎస్సీ) కీల‌క ప్ర‌క‌ట‌న చేసింది. ఈ మేర‌కు భారీ ఎత్తున హాజ‌ర‌వుతున్న గ్రూప్ – 4 అభ్య‌ర్థుల‌కు ఖుష్ క‌బ‌ర్ చెప్పింది. ఈ మేర‌కు జూన్ 24 శ‌నివారం నుంచే త‌మ ప‌రీక్ష‌కు సంబంధించిన హాల్ టికెట్ల‌ను డౌన్ లోడ్ చేసుకోవ‌చ్చ‌ని సూచించింది. ఇందులో భాగంగా ఇవాల్టి నుంచే అభ్య‌ర్థులు హాల్ టికెట్ల‌ను తీసుకునే స‌దుపాయం క‌ల్పించింది.
ఇదిలా ఉండ‌గా గ‌తంలో ఎన్న‌డూ లేనంత‌గా భారీ ఎత్తున గ్రూప్ – 4(TSPSC Group-4) జాబ్స్ కోసం తెలంగాణ లోని నిరుద్యోగులు ద‌ర‌ఖాస్తు చేసుకున్నారు. ఇప్ప‌టికే తెలంగాణ ప‌బ్లిక్ స‌ర్వీస్ క‌మిష‌న్ లో నిర్వ‌హించిన ప‌రీక్షా పేప‌ర్లు లీక్ అయ్యాయి. దీనిపై విచార‌ణ జ‌రిపేందుకు బీఆర్ఎస్ ప్ర‌భుత్వం సిట్ ను ఏర్పాటు చేసింది.
ఇంకా నివేదిక అందించ లేదు. కానీ ఇప్ప‌టి వ‌ర‌కు 52 మందిని అరెస్ట్ చేసింది. అస‌లు దోషులు ఎవ‌రో ఇప్ప‌టి వ‌ర‌కు ప్ర‌క‌టించ‌క పోవ‌డంపై నిరుద్యోగులు ఆందోళ‌న చెందుతున్నారు. ఓ వైపు ద‌ర్యాప్తు పూర్తి కాకుండా ఎలా ప‌రీక్ష‌లు చేప‌డ‌తార‌నే దానిపై ఉత్కంఠ నెల‌కొంది.
జూలై 1న శ‌నివారం గ్రూప్ -4 ప‌రీక్ష జ‌ర‌గ‌నుంది. ఈ ప‌రీక్ష కోసం ఏకంగా 9 ల‌క్ష‌ల 50 వేల మంది ద‌ర‌ఖాస్తు చేసుకున్నారు. కొద్ది మంది ద‌ర‌ఖాస్తు చేసుకున్న వారికి నిర్వ‌హించిన ప‌రీక్ష‌ల‌ను స‌క్ర‌మంగా చేప‌ట్ట‌లేక పోయిన టీఎస్పీఎస్సీ ఇంత భారీ మొత్తంలో హాజ‌ర‌య్యే ప‌రీక్ష‌ను ఎలా నిర్వ‌హిస్తుంద‌నేది మిలియ‌న్ డాల‌ర్ల ప్ర‌శ్న. కాగా ప‌రీక్ష కేంద్రానికి 2 గంట‌ల ముందు హాజ‌రు కావాల‌ని టీఎస్పీఎస్సీ స్ప‌ష్టం చేసింది.
Also Read : PM Modi Blinken : మోదీ చ‌రిష్మాకు బ్లింకెన్ ఫిదా