TSRTC Lucky Draw : టీఎస్ఆర్టీసీ బంప‌ర్ ఆఫ‌ర్
అక్టోబ‌ర్ 30 దాకా ల‌క్కీ డ్రా
TSRTC Lucky Draw : హైద‌రాబాద్ – టీఎస్ఆర్టీసీ ప్రయాణీకులకు బంప‌ర్ ఆఫ‌ర్ ప్ర‌క‌టించింది. బ‌తుక‌మ్మ, ద‌స‌రా పండుగ‌ల నేప‌థ్యంలో ల‌క్కీ డ్రా ఏర్పాటు చేసిన‌ట్లు వెల్ల‌డించారు సంస్థ ఎండీ స‌జ్జ‌నార్. ఈ మేర‌కు ట్విట్ట‌ర్ వేదిక‌గా కీల‌క ప్ర‌క‌ట‌న చేశారు. ఈ బంప‌ర్ ఆఫ‌ర్ అక్టోబ‌ర్ 18 నుండి ప్రారంభ‌మై నెలాఖ‌రు అక్టోబ‌ర్ 30 దాకా కొన‌సాగుతుంద‌ని తెలిపారు.
TSRTC Lucky Draw for Coming Festivals
ఇందులో భాగంగా ప్రయాణీకులకు చేయాల్సింద‌ల్లా ఒక్క‌టే. తాము ప్ర‌యాణం చేసిన స‌మ‌యంలో తీసుకున్న టికెట్ వెనుకాల త‌మ పేరు, ఊరు, వ‌య‌సు, ఫోన్ నెంబ‌ర్ రాయాలి. దానిని ఆయా ఆర్టీసీ బ‌స్లాండ్ ప్రాంగ‌ణాల‌లో ఏర్పాటు చేసిన ఆర్టీసీ బాక్సుల‌లో వేయాలి.
డెడ్ లైన్ ముగిసిన త‌ర్వాత టీఎస్ఆర్టీసీ(TSRTC) ల‌క్కీ డిప్ ద్వారా విజేత‌ల‌ను ప్ర‌క‌టిస్తుంది. మొత్తం 10 మందిని ప్ర‌క‌టిస్తుంది. విచిత్రం ఏమిటంటే మ‌హిళ‌లు, పురుషుల‌కు వేర్వేరుగా వీటిని ఏర్పాటు చేసిన‌ట్లు పేర్కొన్నారు ఎండీ. ఈ ల‌క్కీ డ్రాలో గెలుపొందిన ప్రయాణీకులకు రూ. 11 ల‌క్ష‌ల న‌గ‌దు బ‌హుమతుల‌ను సంస్థ అంద‌జేస్తుంద‌ని స్ప‌ష్టం చేశారు స‌జ్జ‌నార్.
ప్ర‌తి రీజియ‌న్ కు 5 గురు పురుషులు, ఐదుగురు మ‌హిళ‌లు, మొత్తం 110 మందికి ఒక్కొక్క‌రికి రూ. 9,900 చొప్పున బ‌హుమ‌తులు అంద‌జేస్తామ‌ని స్ప‌ష్టం చేశారు.
Also Read : CM KCR Slams : గులాబీదే గెలుపు అభివృద్దికి మ‌లుపు