TTD Donation : బ‌ర్డ్ ట్ర‌స్ట్ కు రూ. 10 ల‌క్ష‌ల విరాళం
న్యాయ‌వాదిని అభినందించిన ఈవో
TTD Donation : తిరుమ‌ల తిరుప‌తి దేవస్థానం (TTD)కి పెద్ద ఎత్తున విరాళాలు స‌మ‌కూరుతున్నాయి. ఇప్ప‌టికే శ్రీ‌వాణి ట్ర‌స్టుకు రూ. 880 కోట్ల‌కు పైగా స‌మ‌కూరాయి. ఈ విష‌యాన్ని స్వ‌యంగా టీటీడీ చైర్మన్ వైవీ సుబ్బారెడ్డి వెల్ల‌డించారు. ఇదే స‌మ‌యంలో టీటీడీ ఆధ్వ‌ర్యంలో విద్యాల‌యాలు, ఆస్ప‌త్రులు, దేవాల‌యాల పున‌రుద్ద‌ర‌ణ, ఉచిత అన్న‌దాన సేవా కార్య‌క్ర‌మాలు ఇతోధికంగా కొన‌సాగుతున్నాయి. ఇవ‌న్నీ ప్ర‌పంచ వ్యాప్తంగా శ్రీ‌వారిని న‌మ్ముకున్న భ‌క్త బాంధ‌వులు స‌మ‌ర్పించే కానుకులు, విరాళాల రూపేణా స‌మ‌కూరుతున్నాయి.
TTD Donation & Works
టీటీడీకి సంబంధించి బ‌ర్డ్స్ ఆస్ప‌త్రి విశేషంగా రోగుల‌కు ఉచితంగా సేవ‌లు అందిస్తోంది. భ‌క్తులు పెద్ద ఎత్తున విరాళాలు అంద‌జేస్తున్నారు. తాజాగా హైద‌రాబాద్ కు చెందిన న్యాయ‌వాది శ్రీ‌నివాసులు బ‌ర్డ్ ట్ర‌స్టుకు రూ. 10 ల‌క్ష‌లు విరాళంగా అంద‌జేశారు.
తిరుమ‌ల లోని కార్య‌నిర్వహ‌ణ అధికారి బంగ్లాలో దాత ఈ విరాళానికి సంబంధించిన చెక్కును ఎగ్జిక్యూటివ్ ఆఫీస‌ర్ ఏవీ ధ‌ర్మారెడ్డికి అంద‌జేశారు. ఇదిలా ఉండ‌గా గ‌త నెల‌లో న్యాయ‌వాది శ్రీ‌నివాసులు అన్న‌దానం ట్ర‌స్టుకు రూ. 10 ల‌క్ష‌లు విరాళంగా ఇచ్చారు. ఇందుకు సంబంధించి అటు బ‌ర్డ్ ట్ర‌స్ట్ కు, ఇటు నిత్య అన్న‌దానం ట్ర‌స్టుకు రూ. 20 ల‌క్ష‌లు మొత్తంగా విరాళంగా అంద‌జేసినందుకు శ్రీ‌నివాసులును ప్ర‌త్యేకంగా అభినందించారు ఈవో ధ‌ర్మారెడ్డి.
Also Read : Kanguva Movie : సూర్య ‘కంగువ’ కెవ్వు కేక