TTD EO Dharma Reddy : శ్రీ‌వారి భ‌క్తుల‌కు ఈవో శుభ‌వార్త
ఇక గంట‌న్న‌ర లోపే స్వామి ద‌ర్శ‌నం
TTD EO Dharma Reddy : ప్రపంచంలోనే అత్య‌ధిక భ‌క్తుల్ని క‌లిగిన ఏకైక దేవ దేవుడు శ్రీ వేంక‌టేశ్వ‌ర స్వామి వారిని ద‌ర్శించు కునేందుకు ఇక గంట‌ల త‌ర‌బ‌డి నిరీక్షించాల్సిన అవ‌స‌రం లేదు. ఇక ఆ క‌ష్టాలు ఉండ‌బోవంటూ వెల్ల‌డించింది తిరుమ‌ల తిరుప‌తి దేవ‌స్థానం (టీటీడీ).
కేవ‌లం గంట‌న్న‌ర లోపే అంటే 90 నిమిషాల స‌మ‌యంలోనే ఆ దేవ దేవుడు క‌లియుగ వైంకుఠ నాథుడిని, అమ్మ వారిని ద‌ర్శ‌నం చేసుకునే భాగ్యాన్ని క‌ల్పిస్తున్న‌ట్లు ప్ర‌క‌టించారు టీటీడీ కార్య‌నిర్వ‌హ‌ణాధికారి (ఈవో) ధ‌ర్మారెడ్డి(TTD EO Dharma Reddy).
గురువారం ఈవో మీడియాతో మాట్లాడారు. త‌క్కువ స‌మ‌యంలోనే ఎంత మంది భ‌క్తులు తిరుమ‌ల‌కు వ‌చ్చినా స్వామి, అమ్మ వార్ల ద‌ర్శ‌నం క‌ల్పించేలా చ‌ర్య‌లు తీసుకున్నామ‌ని చెప్పారు.
భ‌క్తులంద‌రికీ స‌ర్వ ద‌ర్శ‌నం చేయించేందుకు కృషి చేస్తున్నామ‌ని తెలిపారు ధ‌ర్మారెడ్డి. ఆన్ లైన్ ద్వారా ద‌ర్శ‌నంతో పాటు వివిధ సేవ‌ల ద్వారా కూడా టికెట్లు బుక్ (న‌మోదు) చేసుకునే అవ‌కాశం కూడా ఉంద‌న్నారు.
గ‌త కొంత కాలంగా టైమ్ స్లాట్ ద్వారా శ్రీ‌వారి ద‌ర్శ‌నం బుక్ చేసుకునే వార‌న్నారు. కాగా తోపులాట‌లు చోటు చేసుకోకుండా ఉండేలా చ‌ర్య‌లు తీసుకున్నామ‌ని వెల్ల‌డించారు ధ‌ర్మారెడ్డి(TTD EO Dharma Reddy).
తిరుప‌తి లోని శ్రీ భూదేవి కాంప్లెక్స్ , విష్ణు నివాసం, శ్రీ‌నివాసం ప్రాంతాల్లో టైమ్ స్లాట్ టోకెన్లు ఇచ్చేందుకు ఏర్పాట్లు చేశామ‌ని స్ప‌ష్టం చేశారు ఈవో.
ఇదిలా ఉండ‌గా శుక్ర, శ‌ని, ఆదివారాల్లో మాత్ర‌మే ప్రోటోకాల్ , వీఐపీ బ్రేక్ ద‌ర్శ‌నం సిఫార‌సు లేఖ‌ల‌కు ప‌ర్మిష‌న్ ఇవ్వ‌డం లేద‌న్నారు. ఇదిలా ఉండ‌గా గ‌త రెండున్న‌ర సంవ‌త్స‌రాల‌లో రూ. 1, 500 కోట్ల విరాళాలు అందాయ‌ని ధ‌ర్మారెడ్డి చెప్పారు.
Also Read : గ్రాండ్ గా న‌య‌న్ విఘ్నేశ్ పెళ్లి