Neha Shetty DJ Tillu : అపూర్వ స్పంద‌న అనూహ్య ఆద‌ర‌ణ
డీజే టిల్లు హీరోయిన్ నేహా శెట్టి
Neha Shetty : సెన్సేష‌న‌ల్ హీరోగా పేరొందిన జొన్న‌ల‌గ‌డ్డ సిద్దూ , నేహా శెట్టి(Neha Shetty )క‌లిసి న‌టించిన చిత్రం డీజే టిల్లు. ఈ చిత్రం ఊహించ‌ని రీతిలో స‌క్సెస్ అయ్యింది. ఇప్ప‌టికే భారీ ఎత్తున ఆద‌రణ‌కు నోచుకుంటోంది.
ఏకంగా రూ. 16 కోట్ల‌కు పైగానే వ‌సూళ్లు సాధించి దూసుకు వెళుతోంది. ఇటు తెలుగులోనే కాదు అటు ఓవ‌ర్సీస్ లోనూ దుమ్ము రేపుతోంది.
ప్ర‌ధాన చిత్రాలు ఎన్ని విడుద‌లైనా క‌రోనా సెకండ్ వేవ్ త‌ర్వాత ఎలాంటి అంచ‌నాలు లేకుండానే విడుద‌లైన డీజే టిల్లు మూవీ సూప‌ర్ స‌క్సెస్ సాధించింది. చిన్న చిత్రంగా విడుద‌లైన‌ప్ప‌టికీ భారీ విజ‌యాన్ని న‌మోదు చేసింది.
సూర్య‌దేవ‌ర నాగ‌వంశీ ఈ మూవీకి నిర్మాత‌గా వ్య‌వ‌హ‌రించారు. ఇక సిద్దూ మేన‌రిజం, డైలాగులు సినిమాకు అద‌న‌పు ఆక‌ర్ష‌ణ‌గా నిలిచాయి. డీజే టిల్లు సాంగ్ దుమ్ము రేపింది. యూట్యూబ్ ను షేక్ చేస్తోంది.
టిల్లుగా సిద్దూ న‌ట‌న‌కు వంద శాతం మార్కులు ప‌డ్డాయి. ఇక పోటీ ప‌డి న‌టించిన నేహా శెట్టి(Neha Shetty )సైతం తాను కూడా త‌గ్గేదే లేద‌ని న‌టించింది. మొత్తంగా ఈ మూవీ ఎండా కాలంలో కొబ్బ‌రి నీళ్ల‌ను అందించినంత ప‌ని చేసింది.
కామెడీ, డైలాగుల‌తో జ‌నాన్ని మెస్మ రైజ్ చేసింది డీజే టిల్లు మూవీ. ఇదిలా ఉండ‌గా హీరోయిన్ గా న‌టించిన నేహా శెట్టి గ‌తంలో మెహ‌బూబా, గ‌ల్లీ రౌడ్ సినిమాల్లో న‌టించినా అంత పేరు రాలేదు.
కానీ డీజే టిల్లుతో ఒక్క‌సారిగా గుర్తింపు వ‌చ్చింది. ఈ సంద‌ర్భంగా ఓ ఆస‌క్తిక‌ర‌మైన ట్వీట్ చేసింది ఈ ముద్దుగుమ్మ. డీజే టిల్లును ఆద‌రిస్తున్నందుకు థ్యాంక్స్ చెప్పింది.
Also Read : ఆ సాంగ్ పై సామ్ కీల‌క కామెంట్స్