Uttam Kumar Reddy : ఓట‌మి భ‌యం ఆరోప‌ణ‌ల ప‌ర్వం

Uttam Kumar Reddy : హైద‌రాబాద్ – టీపీసీసీ మాజీ చీఫ్ ఉత్త‌మ్ కుమార్ రెడ్డి(Uttam Kumar Reddy) నిప్పులు చెరిగారు. శ‌నివారం ఆయ‌న గాంధీ భ‌వ‌న్ లో మీడియాతో మాట్లాడారు. కేసీఆర్ ఫ్యామిలీలో ఓట‌మి భ‌యం మొద‌లైంద‌న్నారు. అందుకే త‌మ‌పై నిరాధార‌మైన ఆరోప‌ణ‌లు చేస్తున్నారంటూ మండిప‌డ్డారు. ద‌మ్ముంటే రాజ‌కీయంగా ఎదుర్కోవాల‌ని కానీ ఇలా ఎలా ప‌డితే అలా విమ‌ర్శ‌లు చేయ‌డం త‌గ‌ద‌న్నారు.

Uttam Kumar Reddy Slams KCR

మొన్న‌టికి మొన్న ఫాక్స్ కాన్ కంపెనీపై దొంగ లేఖ రాశార‌ని, అది ఫేక్ అని తేలి పోయింద‌న్నారు. క‌నీసం మాట్లాడేట‌ప్పుడు ముందూ వెనుకా చూసుకోకుండా కేటీఆర్ ఎలా ఆరోప‌ణ‌లు చేస్తారంటూ ప్ర‌శ్నించారు ఉత్త‌మ్ కుమార్ రెడ్డి.

ఇవాళ రాష్ట్రంలో ప్ర‌జా వ్య‌తిరేకత వెల్లువ‌లా పెల్లుబుకింద‌ని, ఇక బీఆర్ఎస్ ప‌త‌నం ఖాయ‌మై పోయింద‌న్నారు. ఎన్ని హామీలు ఇచ్చినా ఇంకెన్ని జిమ్మిక్కులు చేసినా వ‌ర్క‌వుట్ కాద‌న్నారు. తాము ఏనాడూ రైతు బంధు ఆపాల‌ని కోర‌లేద‌న్నారు. ఇంకా పెంచాల‌ని కోరామ‌న్నారు ఉత్త‌మ్ కుమార్ రెడ్డి.

కేంద్రంలోని బీజేపీ రాష్ట్రంలోని బీజేపీ రెండూ ఒక్క‌టేన‌ని , మోదీ, కేసీఆర్ రైతుల‌ను మోసం చేశారంటూ ఆవేద‌న వ్య‌క్తం చేశారు. ఇక‌నైనా అబ‌ద్దాలు చెప్ప‌డం మానుకోవాల‌ని సూచించారు. ఇంకొన్ని రోజులు ఆగితే ఎవ‌రు గెలుస్తారో తేలి పోతుంద‌న్నారు.

Also Read : Eatala Rajender : మంత్రులంతా బానిస‌లు – ఈట‌ల