Vijaya Shanti : కేసీఆర్ మారాలి అహంకారం వీడాలి

Vijaya Shanti : హైద‌రాబాద్ – తెలంగాణ‌లో ప‌దేళ్ల పాటు రాచ‌రిక పాల‌న సాగించి ప‌రాజ‌యం పాలైన బీఆర్ఎస్ బాస్, మాజీ సీఎం కేసీఆర్ పై నిప్పులు చెరిగారు కాంగ్రెస్ పార్టీ సీనియ‌ర్ నాయ‌కురాలు విజ‌య శాంతి. మంగ‌ళ‌వారం ఆమె ట్విట్ట‌ర్ వేదిక‌గా తీవ్రంగా స్పందించారు. తెలంగాణ ఉద్య‌మ స‌మ‌యంలో తన అనుభ‌వాల‌ను గుర్తు చేసుకున్నారు.

Vijaya Shanti Comments on KCR

ఆనాడు ఇద్ద‌రే ఎంపీలుగా తెలంగాణ కోసం కొట్లాడిన నాటి నుంచి త‌న‌కు, కేసీఆర్ కు మ‌ధ్య విధాన ప‌రంగా అనేక వ్య‌తిరేక‌త‌లు ఉన్నా, అభిప్రాయ భేదాలు ఉన్నా అన్నా అని తాను పిలిచే దానిన‌ని పేర్కొన్నారు విజ‌య శాంతి(Vijaya Shanti). ఒక‌నాడు ఉద్య‌మ నేత‌గా జేజేలు పొందిన కేసీఆర్ ఇవాళ త‌నంత‌కు తానుగా ఎమ్మెల్యేగా ఓట‌మి పాల‌వ‌డం విస్తు పోయేలా చేసింద‌న్నారు.

ఇక‌నైనా దొర త‌న అహంకారాన్ని మ‌రిచి పోయేందుకు ప్ర‌య‌త్నం చేయాల‌ని, ఇవాళ ఇచ్చిన ప్ర‌జా తీర్పును గౌర‌వించాల‌ని సూచించారు . ప్ర‌జ‌లే చ‌రిత్ర నిర్మాత‌ల‌ను, వారిని విస్మ‌రిస్తే తానైనా కేసీఆర్ అయినా లేదా ఎవ‌రైనా స‌రే ఓట‌మి పొందాల్సిందేన‌ని స్ప‌ష్టం చేశారు.

ప్ర‌జ‌ల‌ను బానిస‌లుగా చూస్తే ఎంత‌టి వారికైనా ప‌రాజ‌యం త‌ప్ప‌ద‌ని తేలి పోయింద‌న్నారు విజ‌య శాంతి.

Also Read : Uttam Bhatti : భ‌ట్టి..ఉత్త‌మ్ హ‌స్తిన బాట