Yashashvini Reddy : అభివృద్ది అంటే ఏమిటో చూపిస్తా

Yashashvini Reddy : గ‌త 15 ఏళ్ల‌లో చేయ‌ని అభివృద్ది ఐదు సంవ‌త్స‌రాల‌లో చేసి చూపిస్తాన‌ని స్ప‌ష్టం చేశారు పాల‌కుర్తి ఎమ్మెల్యే య‌శ‌స్విని రెడ్డి. రాష్ట్రంలో ఇటు నియోజ‌క‌వ‌ర్గంలో రాచ‌రిక పాల‌న‌కు తెర ప‌డింద‌న్నారు. ఈ సంద‌ర్బంగా నాలుగున్న‌ర కోట్ల ప్ర‌జానీకానికి ధ‌న్య‌వాదాలు తెలియ చేసుకుంటున్నాన‌ని అన్నారు య‌శ‌స్విని రెడ్డి.

Yashashvini Reddy Challange

శాస‌న స‌భ‌లో గెలుపొందిన అనంత‌రం ఎమ్మెల్యేగా ప్ర‌మాణ స్వీకారం చేసిన అనంత‌రం త‌న నియోజ‌క‌వ‌ర్గానికి భారీ ఎత్తున ఆద‌ర‌ణ మ‌ధ్య చేరుకున్నారు. ఈ సంద‌ర్బంగా ఆల‌యాన్ని సంద‌ర్శించి పూజ‌లు చేశారు. ఆమెతో పాటు అత్త ఝాన్సీ రెడ్డికి గ్రాండ్ వెల్ క‌మ్ ల‌భించింది.

అప్పిరెడ్డిగూడెం నుండి పాలకుర్తి వరకు భారీ ర్యాలీ నిర్వహించారు. అనంతరం విజయోత్సవ సభలో పాల్గొన్నారు. ఈ సందర్భంగా ఎమ్మెల్యే యశస్విని రెడ్డి(Yashashvini Reddy) మాట్లాడారు. ఇంతటి భారీ మెజారిటీతో గెలిపించిన కాంగ్రెస్ పార్టీ నాయకులకు, కార్యకర్తలకు, ప్రజలకు పేరుపేరునా హృదయపూర్వక ధన్యవాదాలు తెలియ చేసుకుంటున్న‌ట్లు తెలిపారు.

ఇచ్చిన మాట ప్రకారం కాంగ్రెస్ ప్రభుత్వం క‌ట్టుబ‌డి ఉంటుంద‌న్నారు. అన్ని హామీలను అమ‌లు చేసి తీరుతామ‌న్నారు. ఇప్ప‌టికే మ‌హాల‌క్ష్మి ప‌థ‌కం కింద మ‌హిళ‌ల‌కు ఉచితంగా బ‌స్సు ప్ర‌యాణం క‌ల్పించ‌డం జ‌రిగింద‌న్నారు. అలాగే ఆరోగ్య శ్రీ ప‌థ‌కం కింద రూ. 10 ల‌క్ష‌ల వ‌ర‌కు పొడిగించ‌డం జ‌రిగింద‌న్నారు. అభివృద్ది అంటే ఏమిటో చేసి చూపిస్తాన‌ని అన్నారు య‌శ‌స్విని రెడ్డి.

Also Read : Revanth Reddy Review : దూకుడు పెంచిన రేవంత్ రెడ్డి